پی آئی اے نے نئے بین الاقوامی روٹس پر فضائی آپریشن شروع کرنے کا اعلان کر دیا

اسلام آباد ،لاہور سے مسقط کے لیے باقاعدہ پروازیں رواں ماہ کے اختتام پر شروع ہوں گی

ہفتہ 18 اکتوبر 2025 22:00

لاہور(اُردو پوائنٹ اخبارتازہ ترین - این این آئی۔ 18 اکتوبر2025ء) پی آئی اے نے نئے بین الاقوامی روٹس پر فضائی آپریشن شروع کرنے کا اعلان کر دیا۔ترجمان پی آئی اے کے مطابق اسلام آباد اور لاہور سے مسقط کے لیے باقاعدہ پروازیں رواں ماہ کے اختتام پر شروع ہوں گی۔ پہلی پرواز لاہور سے 29 اکتوبر جبکہ اسلام آباد سے 30 اکتوبر کو روانہ ہوگی۔

(جاری ہے)

دونوں روٹس پر پروازیں ایئربس 320 کے ذریعے چلائی جائیں گی۔ترجمان نے بتایا کہ نئے روٹس کے آغاز سے قومی ایئرلائن کی آمدنی میں اضافہ اور مسافروں کو سفری سہولتوں میں بہتری حاصل ہوگی۔ مسقط کے لیے نیا روٹ پی آئی اے کی بحالی اور ترقیاتی حکمتِ عملی کا حصہ ہے اور اس سے بیرونِ ملک مقیم پاکستانیوں کو بہتر سفری سہولیات فراہم کرنے میں مدد ملے گی۔