آ*ابوظہبی T10: رائلی روسو اور معین علی کی طوفانی بیٹنگ، اجمان ٹائٹنز کی رائل چیمپس پر سات وکٹوں سے فتح

پیر 24 نومبر 2025 20:25

ابوظہبی(اُردو پوائنٹ اخبارتازہ ترین - آن لائن۔ 24 نومبر2025ء) ابوظہبی ٹی 10 لیگ میں گزشتہ روز کھیلے گئے میچز میں اجمان ٹائٹنز اور کوئٹہ کیولری نے شاندار فتوحات سمیٹتے ہوئے ایونٹ میں اپنی پوزیشن مزید مضبوط بنا لی۔ ٹائٹنز نے رائل چیمپس کو سات وکٹوں سے مات دی، جبکہ کیولری نے ہو اے ای بلز کو یکطرفہ مقابلے کے بعد نو وکٹوں سے شکست دی۔تفصیلات کے مطابق رِائلی روسو اور معین علی کی برق رفتار بیٹنگ نے اجمان ٹائٹنز کو 110 رنز کا ہدف صرف 8.2 اوورز میں عبور کروا دیا۔

ٹائٹنز کی جانب سے ابتدائ اینرِن ڈونلڈ کے 16 رنز سے ہوئی، جس کے بعد الیکس ہیلز (21) اور روسو (37) نے اننگز کو رفتار دی۔ روسو نے چار چوکے اور دو چھکے لگائے، جبکہ اختتامی اوورز میں معین علی نے صرف 10 گیندوں پر ناقابلِ شکست 29 رنز بنا کر ٹیم کو دوسری مسلسل فتح دلائی۔

(جاری ہے)

اس سے قبل رائل چیمپس نے جیسن رائے (42) اور برینڈن میکملن (43) کی شراکت سے 80 رنز جوڑے، تاہم ٹائٹنز کے گیند بازوں نے بروقت وار کرتے ہوئے اسکور کو 109/5 تک محدود رکھا۔

ٹائٹنز کی جانب سے وسیم اکرم نے صرف 7 رنز دے کر 2 وکٹیں حاصل کیں، جبکہ کرس گرین نے ا?خری اوور میں دو مزید وکٹیں لیتے ہوئے چیمپس کی پیش رفت روک دی۔دن کے تیسرے میچ میں کوئٹہ کیولری نے ہو اے ای بلز کو ایک ا?سان مقابلے میں نو وکٹوں سے شکست دے کر اپنی ناقابلِ شکست پیش قدمی برقرار رکھی۔ہدف کا تعاقب کرتے ہوئے یو اے ای کے محمد وسیم نے صرف 19 گیندوں پر 50 رنز کی تباہ کن اننگز کھیل کر بلز کے تمام منصوبے خاک میں ملا دیے۔

ایون لوئس بھی 48 رنز کے ساتھ ناقابلِ شکست رہے اور ٹیم نے ہدف 8.2 اوورز میں مکمل کر لیا۔اس سے قبل بلز کی پوری ٹیم محمد عامر کی شاندار گیند بازی کے سامنے زیادہ دیر نہ ٹھہر سکی۔ عامر نے اپنے پہلے ہی میچ میں 16 رنز کے عوض 4 قیمتی وکٹیں حاصل کیں۔ فِل سالٹ (31)، روومین پاول (23) اور ٹِم ڈیوِڈ (31) نے مزاحمت کی کوشش کی، مگر بلز صرف 101 رنز تک محدود رہے۔کوئٹہ کی جانب سے خٴْزیمہ تنویر نے بھی دو وکٹیں حاصل کیں