محکمہ زراعت پنجاب نے سبزیات کی دیکھ بھال کے لئے ہدایات جاری کر دیں

اتوار 4 جنوری 2026 17:40

لاہور (اُردو پوائنٹ اخبارتازہ ترین - اے پی پی۔ 04 جنوری2026ء) ترجمان محکمہ زراعت پنجاب کے مطابق سبزیوں کے کاشتکار آبپاشی کا وقفہ کم کر دیں اور پانی کم مقدار میں لگائیں۔چھوٹی نازک سبزیوں کو سردی سے بچانے کے لئے رات کے وقت پلاسٹک شیٹ سے دھانپ دیں۔ترجمان نے مزید کہا کہ کاشتکار آلو کی فصل کا معائنہ کرتے رہیں۔

(جاری ہے)

آلو کے پچھیتے جھلسا یا کسی بھی دوسری بیماری اور کیڑوں کے حملہ کی صورت میں محکمہ زراعت(توسیع) کے مقامی زرعی ماہرین کے مشورہ سے مناسب زہروں کا سپرے کریں۔

بیج کے لئے آلو کی مخصوص فصل کا باقاعدگی سے معائنہ کریں۔وائرس سے متاثرہ اور دوسری اقسام کے پودوں کو احتیاط سے اکھاڑ کر زمین میں گڑھا کھود کر دبا دیں۔اچھی طرح تیار فصل کی برداشت کریں اور ایسا کرتے وقت احتیاط ملحوظِ خاطر رکھیں کہ آلو پر زخم نہ آئے۔