کراچی میں معمول سے تیز ہوائیں چلنے کا امکان

ہوائوں کی زیادہ سے زیادہ رفتار 40 کلو میٹر فی گھنٹہ تک تجاوز کر سکتی ہیں،محکمہ موسمیات

جمعرات 5 مارچ 2026 19:18

کراچی(اُردو پوائنٹ اخبارتازہ ترین - این این آئی۔ 05 مارچ2026ء) شہر قائد میں آئندہ 24گھنٹوں میں معمول سے تیز ہوائیں چلنے کا امکان ہے۔محکمہ موسمیات کی ارلی وارننگ سینٹر پیش گوئی کے مطابق ہوائوں کی زیادہ سے زیادہ رفتار 40 کلو میٹر فی گھنٹہ تک تجاوز کر سکتی ہیں۔

(جاری ہے)

کراچی میں 3 روز کے دوران زیادہ سے زیادہ درجہ حرارت 31 تا 33 ڈگری کے درمیان ریکارڈ ہو سکتا ہے۔شہر میں جمعرات کوصبح ہلکی دھند کے باعث حدِ نگاہ 2.5 کلومیٹر اور نمی کا تناسب 82 فیصد ریکارڈ ہوئی۔ آئندہ 24 گھنٹوں کے دوران موسم خشک، مطلع صاف اور ہلکی دھند کا امکان ہے۔کراچی میں جمعرات کو کم سے کم درجہ حرارت 18.5 ڈگری سینٹی گریڈ ریکارڈ ہوا جبکہ جمعہ کو کم سے کم درجہ حرارت 17 سے 19 ڈگری سینٹی گریڈ رہنے کا امکان ہے۔