وزیراعلیٰ پنجاب گرین ٹریکٹرز پروگرام فیز III کے تحت کامیاب کاشتکاروں کے لیے اہم ہدایت

جمعرات 16 اپریل 2026 19:04

فیصل آباد (اُردو پوائنٹ اخبارتازہ ترین - اے پی پی۔ 16 اپریل2026ء) ترجمان محکمہ زراعت توسیع فیصل آباد کے مطابق وزیراعلیٰ پنجاب گرین ٹریکٹرز پروگرام فیز III کے تحت کامیاب قرار پانے والے کاشتکاروں کو مطلع کیا جاتا ہے کہ الاٹمنٹ لیٹر وصول کرنے اور اپنے حصے کی رقم جمع کروانے کی آخری اور حتمی تاریخ میں 20 اپریل 2026 تک توسیع کی گئی ہے۔

(جاری ہے)

ترجمان نے مزید بتایاکہ تمام کامیاب کاشتکار حضرات کو ہدایت کی جاتی ہے کہ وہ مقررہ تاریخ تک اپنے الاٹمنٹ لیٹر حاصل کریں اور اپنے واجب الادا حصے کی رقم بروقت جمع کروائیں۔

بصورتِ دیگر مقررہ مدت کے بعد رقم جمع نہ کروانے کی صورت میں ویٹنگ لسٹ میں شامل کاشتکاروں کو فوری طور پر موقع فراہم کر دیا جائے گا۔مزید معلومات اور رہنمائی کے لیے محکمہ زراعت (توسیع)فیصل آباد کے دفتر سے رابطہ کیا جا سکتا ہے یا زرعی ہیلپ لائن17000- 0800پر کال کی جا سکتی ہے۔