ساہیوال، دو طالبات سمیت تین لڑکیوں کاجبرا اغوا

7 لاکھ 50 ہزار روپے نقدی، زیورات لے کر فرار ہو گئے، چھ گرفتار

اتوار 3 مئی 2026 22:35

ساہیوال(اُردو پوائنٹ اخبارتازہ ترین - این این آئی۔ 03 مئی2026ء) دو طالبات سمیت تین لڑکیوں کو جبرا اغواکر لیا گیا، 7 لاکھ 50 ہزار روپے کی نقدی زیورات بھی لو ٹ کر لے گئے۔ لہ لہ زار کالونی پل سے مقامی انجینیئر حمزہ حمید کی بہن گورنمنٹ ٹیکنالوجی کا لج تھرڈ ا ئیر کی طالبہ ایمان نو رین کوگھر آتے ہوئے زین العابدین، بابر شعبان، سلمان شانی، جاوید لشاری، مقصود ،خالدہ ،رمشاہ جبرا اغو ا کر کے کار میں لے گئے ۔

(جاری ہے)

گلشن علی ہا ؤسنگ کالونی میں صابر حسین کی 17سالہ بیٹی طالبہ فروا صابر کو بازار سے گھر آتے ہوئے نامعلوم ملزموں نے اغوا کر کے کیر ی ڈبہ میںلے کر فرار ہو گئے۔چک 58 جی ڈی میں مریم بی بی کی بیٹی سونیا کواسکے گھر سے آئے ہوئے مہمان انجم شیراز، بکھاں، عامر لیاقت اور دو نامعلوم ملزم اہل خانہ کو نشہ آور گولیاں دودھ میں پلا کر بے ہوش کر دیا اورسو نیا کو اغوا کر کے لے گئے ملزم جاتے ہوئے گھر سے دو لاکھ روپے نقد ی پانچ لاکھ 50 ہزار روپے کے زیورات بھی لے گئے۔ پولیس فتح شیر، غلہ منڈی اور بہادر شاہ نے حمزہ حمید، صابر حسین اور مریم بی بی کی مدعیت میں تین مقدمات 365 بی، ت پ درج کر کے تفتیش شروع کر دی پولیس نے چھ ملزموں کو گرفتار کر لیا ہے۔