کراچی میں اہلسنت کی مساجد اور عید گاہوں میں نمازِ عیدالاضحی کے اوقات کا اعلان

پیر 25 مئی 2026 20:50

کراچی (اُردو پوائنٹ اخبارتازہ ترین - این این آئی۔ 25 مئی2026ء) کراچی میں جماعت اہلسنت کراچی کی جانب سے عیدالاضحی 2026 کے لیے مختلف مساجد، عید گاہوں اور مذہبی مراکز میں نمازِ عیدالاضحی کے اوقات جاری کر دیے گئے ہیں۔ شہر بھر میں صبح 6 بجے سے 10 بجے تک مختلف مقامات پر نماز عید کے اجتماعات ہوں گے۔صبح 6 بجے جامع مسجد کنزالایمان گرو مندر، جامع مسجد شہدائے میلاد جیکب لائن، زینب مسجد جمشید روڈ، آبِ کوثر مسجد ناگن چورنگی، جامع مسجد مصطفی بفرزون اور دیگر مقامات پر نماز عید ادا کی جائے گی۔

6:15 بجے جامع مسجد میمن مصلح الدین گارڈن، جامع مسجد خلفائے راشدین گلشن اقبال، جامع مسجد غریب نواز پی آئی بی، عیدگاہ گرانڈ محمود آباد اور جامع مسجد نور نارتھ کراچی میں اجتماعات ہوں گے۔

(جاری ہے)

6:30 بجے جامع مسجد سینٹرل فائر بریگیڈ نزد سول اسپتال، دارالعلوم قادریہ رضویہ سعود آباد، جامع مسجد فاطمہ گلستانِ جوہر، جامع مسجد نور نارتھ کراچی اور جامع مسجد فیضان سلطان کوثر بلدیہ ٹان میں نماز عید ادا کی جائے گی۔

7 بجے قائد پارک ملیر، جامع مسجد صدیقیہ رضویہ کورنگی، جامعہ حنفیہ جیکب لائن، جامع مسجد عیدگاہ منظور کالونی اور دیگر مساجد میں نماز عید کے اجتماعات ہوں گے۔7:30 بجے لائنز ایریا، کورنگی، قائد آباد، نارتھ کراچی، ملیر، لیاقت آباد، لیاری اور دیگر علاقوں کی مساجد میں نمازِ عید ادا کی جائے گی، جبکہ 8 بجے، 8:30 بجے، 9 بجے اور 10 بجے بھی مختلف علاقوں میں نماز عید کے اجتماعات رکھے گئے ہیں۔جماعت اہلسنت کراچی کے شعبہ نشرواشاعت کے مطابق شہری اپنے قریبی مساجد اور عید گاہوں میں بروقت پہنچ کر نماز عید ادا کریں۔