ڈاکٹر عبدالمالک بلوچ کاتربت میں مرحومین کے لواحقین سے تعزیت اور افسوس کا اظہار

منگل 2 جون 2026 20:22

کوئٹہ (اُردو پوائنٹ اخبارتازہ ترین - اے پی پی۔ 02 جون2026ء) سابق وزیرِ اعلیٰ بلوچستان ڈاکٹر عبدالمالک بلوچ نے کولوا بازار میں نیشنل پارٹی کے سابق یونٹ سیکرٹری اللہ داد صدیق کے چچا، دلجان جمعہ کے والد مرحوم ناکو جمعہ کے انتقال پر ان کے گھر جا کر تعزیت کی اور مرحوم کے ایصالِ ثواب کے لیے دعا کی۔

(جاری ہے)

بعد ازاں ڈاکٹر عبدالمالک بلوچ نے آسکانی لاگری پرگ آپسر میں سیٹھ عبدالرشید کے گھر جا کر ان کے ماموں مرحوم پیرجان کی زوجہ کے انتقال پر تعزیت کا اظہار کیا اور لواحقین سے دلی ہمدردی و افسوس کا اظہار کرتے ہوئے مرحومہ کے لیے مغفرت اور بلندی درجات کی دعا کی۔

ڈاکٹر عبدالمالک بلوچ نے دعا کی کہ اللہ تعالی مرحومین کو جنت الفردوس میں اعلیٰ مقام عطا فرمائے اور پسماندگان کو صبرِ جمیل نصیب کرے۔اس موقع پر نیشنل پارٹی کی مرکزی کمیٹی کے رکن واجہ ابولحسن بلوچ، رجب یاسین، بی ایس او پجار کے مرکزی چیئرمین بوہیر صالح، سینئر رہنما و سابق ضلعی صدر مشکور انور بلوچ، ڈاکٹر نور، صوبائی میڈیا سیکرٹری حفیظ علی بخش، حاجی یاسین، ضلعی رابطہ سیکرٹری محمد حیات، ڈاکٹر انور بلوچ، کونسلر لعل بخش، عبدالمجید، نعیم عادل اور سیف اللہ بھی ان کے ہمراہ تھے۔