کالعدم ایکشن کمیٹی کے 4 مطلوب افراد کی فہرست جاری، گرفتاری کیلئے معلومات دینے والے کیلئے 1کروڑ انعام کا اعلان

فہرست میں شوکت نوازمیر، عمر نذیر کشمیری، خواجہ مہران ارشد اور سردار امان خان کے نام شامل ہیں: محکمہ داخلہ آزاد کشمیر کا نوٹیفکیشن

منگل 9 جون 2026 21:25

مظفر آباد (اُردو پوائنٹ اخبارتازہ ترین - این این آئی۔ 09 جون2026ء) محکمہ داخلہ آزاد کشمیر نے کالعدم جوائنٹ عوامی ایکشن کمیٹی کے 4 مطلوب افراد کی فہرست جاری کردی۔آزاد کشمیر کے محکمہ داخلہ کے نوٹیفکیشن کے مطابق مطلوب افراد کی گرفتاری کیلئے معلومات دینے والے کو ایک کروڑ روپے انعام دیا جائے گا اوراطلاع فراہم کرنے والے شخص کی شناخت مکمل خفیہ رکھی جائے گی۔

(جاری ہے)

فہرست میں شوکت نوازمیر، عمر نذیر کشمیری، خواجہ مہران ارشد اور سردار امان خان کے نام شامل ہیں۔محکمہ داخلہ نے انعامی اسکیم پرفوری عملدرآمد کیلئے آئی جی آزاد کشمیرکو ضروری اقدامات کی ہدایت کردی۔خیال رہے کہ گزشتہ دنوں آزاد کشمیر حکومت نے جموں کشمیر جوائنٹ عوامی ایکشن کمیٹی کو کالعدم تنظیم قرار دیا تھا، کالعدم جموں کشمیر جوائنٹ عوامی ایکشن کمیٹی نے 9 جون کو ہڑتال کا اعلان کر رکھا تھا۔7 جون کو راولاکوٹ میں کالعدم ایکشن کمیٹی کے شرپسندوں کی فائرنگ میں قانون نافذ کرنیوالے ادارے کے 4 اہلکارشہید ہوئے تھے۔