Live Updates

k بلوچستان بجٹ میں قابل تقسیم محاصل سے حصہ پورا مل گیا

"بلوچستان کو رواں مالی سال26 2025-کے لیے وفاقی محاصل سے 743ارب 16کروڑ روپے ملنے تھے، وفاقی محاصل سے 735ارب 91کروڑ روپے سے زائد کی رقم ملی پروجیکٹڈ فگر کے مقابلے میں بلوچستان کو مجموعی طور پر 7ارب 24کروڑ کم ملے ان میں سے 713ارب 62کروڑ روپے قابل تقسیم محاصل کی مدات سے ملے ،حکومتی ذرائع

پیر 15 جون 2026 21:25

ؓکوئٹہ (اُردو پوائنٹ اخبارتازہ ترین - آن لائن۔ 15 جون2026ء) بلوچستان بجٹ میں قابل تقسیم محاصل سے حصہ پورا مل گیا بلوچستان کو رواں مالی سال26 2025-کے لیے وفاقی محاصل سے 743ارب 16کروڑ روپے ملنے تھے ۔ اس کے برعکس بلوچستان کو وفاقی محاصل سے 735ارب 91کروڑ روپے سے زائد کی رقم ملی پروجیکٹڈ فگر کے مقابلے میں بلوچستان کو مجموعی طور پر 7ارب 24کروڑ کم ملے ان میں سے 713ارب 62کروڑ روپے قابل تقسیم محاصل کی مدات سے ملے حکومتی ذرائع کے مطابق ساتویں این ایف سی ایوارڈ میں قابل تقسیم محاصل سے بلوچستان کے حصے کو تحفظ حاصل ہے تحفظ کی وجہ سے قابل تقسیم محاصل سے بلوچستان کے حصے میں کوئی کمی نہیں ہوئی ، تاہم بلوچستان کو وفاق سے براہ راست منتقلیوں کی مد میں 7ارب روپے سے زائد کم ملے ہیںبراہ راست منتقلیوں کی مدات گیس ڈیویلپمنٹ سرچارج، تیل اور گیس پر رائیلٹی اور ایکسائز ڈیوٹی پر مشتمل ہیں ۔

(جاری ہے)

رواں مالی سال براہ راست منتقلیوں کی مد میں بلوچستان کو 29ارب 54کروڑ روپے ملنے تھے نظرثانی بجٹ میں براہ راست منتقلی کی مد میں 22ارب 29کروڑ روپے ملے سب سے زیادہ کم رقم گیس پر رائیلٹی کی مد میں ملیں رواں مالی سال میں گیس کی رائیلٹی کی مد میں 21ارب 48کروڑ روپے ملنے تھے اس کے برعکس گیس ہر رائیلٹی کی مد میں 15ارب روپے ملے گیس پر رائیلٹی کی مد میں بلوچستان کو 6ارب روپے کم ملے ایک ارب روپے سے زائد کی رقم دیگر مدات میں کم ملی ہے۔