کراچی، کیش وین لوٹنے والے گروہ کا سرغنہ گرفتار، لوٹی گئی رقم سے 20 کروڑ برآمد

بدھ 24 جون 2026 12:37

کراچی(اُردو پوائنٹ اخبارتازہ ترین - این این آئی۔ 24 جون2026ء) کراچی میں کیش وین لوٹنے میں ملوث ملزم پکڑا گیا۔پولیس حکام کے مطابق بین الصوبائی ڈکیت گروہ کا سرغنہ محمد علی عرف علی لنگڑا گرفتار کر لیا گیا، ڈکیتی میں لوٹی گئی رقم میں سے 20 کروڑ روپے برآمد کر لئے گئے، واردات میں استعمال ہونے والی کار بھی برآمد کرلی گئی۔

(جاری ہے)

کیش وین کا چیف کریو واجد واردات میں ملوث پایا گیا، ملزم محمد علی عرف علی لنگڑا نے واردات کی منصوبہ بندی کی، ڈکیتی میں ملوث گروہ درجن سے زائد ارکان پر مشتمل ہے، گروہ کراچی، اسلام آباد، راولپنڈی، کوئٹہ اور ملتان میں وارداتوں میں ملوث رہا۔

پولیس حکام نے بتایا کہ جوہر آباد میں نجی سکیورٹی کمپنی کی کیش وین سے 30 کروڑ روپے لوٹے گئے تھے، باقی رقم کی برآمدگی اور فرار ملزمان کی گرفتاری کیلئے چھاپے جاری ہیں۔