عدنان صدیقی نے اتنا تنگ کیا کہ میں نے پروڈکشن چھوڑ دی‘ کاظم پاشا

بدھ 1 جولائی 2026 23:06

کراچی (اُردو پوائنٹ اخبارتازہ ترین - آن لائن۔ 01 جولائی2026ء) پاکستانی معروف ٹی وی میزبان و اداکارہ ندا یاسر کے والد، سینئر پروڈیوسر، ڈائریکٹر کاظم پاشا کا کہنا ہے کہ ایک پروجیکٹ میں اداکار عدنان صدیقی نے مجھے اتنا تنگ کیا کہ میں نے اس کے بعد پروڈکشن چھوڑ دی۔اپنے ایک حالیہ انٹرویو میں انہوں نے بتایا کہ ماضی میں، میں نے اداکار عدنان صدیقی کے ساتھ ایک پروجیکٹ پر کام کیا تھا، تاہم اس دوران مجھے مشکلات کا سامنا کرنا پڑا کہ میں سیٹ چھوڑ کر چلا گیا تھا۔

ان کے مطابق عدنان صدیقی کی بعض درخواستوں اور مطالبات کی وجہ سے میں اس تجربے سے نالاں رہا اور بالآخر میں نے اس پروجیکٹ سے علیحدگی اختیار کر لی۔کاظم پاشا نے دعوی کیا کہ ایک موقع پر اداکار نے اپنی اہلیہ کے سفر کے ٹکٹ کے علاوہ اپنے بچوں اور ان کی دیکھ بھال کے لیے نینی کے سفری انتظامات کی بھی درخواست کی، جس سے صورتحال مزید پیچیدہ ہو گئی۔

(جاری ہے)

یہ گفتگو انہوں نے ایک پروگرام کے دوران کی، جہاں انہوں نے شوبز انڈسٹری میں اپنے تجربات شیئر کیے۔کاظم پاشا اس وقت ریٹائرڈ زندگی گزار رہے ہیں اور اپنے اہل خانہ کے ساتھ وقت گزار رہے ہیں۔دوسری جانب، وائرل کلپ پر ردعمل دیتے ہوئے عدنان صدیقی نے وضاحت کی ہے کہ میرا مقصد کبھی بھی کاظم پاشا کو پریشان کرنا نہیں تھا اور میں محض شرارت اور خوش مزاجی کے طور پر ایسی بات کرتا تھا، کسی قسم کی بدنیتی شامل نہیں تھی۔