رحمت شاہ افغانستان ون ڈے اور ٹیسٹ ٹیم کے کپتان مقرر

رحمان اللّٰہ گرباز کو نائب کپتان مقرر کیا گیا ہے،مڈل آرڈر بلے باز رحمت شاہ دستبردارہوگئے تھے

جمعرات 23 جولائی 2026 13:42

رحمت شاہ افغانستان ون ڈے اور ٹیسٹ ٹیم کے کپتان مقرر

کابل (اُردو پوائنٹ اخبارتازہ ترین - این این آئی۔ 23 جولائی2026ء) افغانستان کرکٹ بورڈ نے رحمت شاہ کو ٹیسٹ اور ون ڈے ٹیموں کا کپتان مقرر کر دیا۔افغان کرکٹ بورڈ کے مطابق رحمان اللّٰہ گرباز کو نائب کپتان مقرر کیا گیا ہے۔

(جاری ہے)

مڈل آرڈر بلے باز رحمت شاہ کو حشمت اللّٰہ شاہدی کے کپتانی سے دستبردار ہونے کے بعد کپتان مقرر کیا گیا ہے جنہوں نے 55 ون ڈے میچز میں افغانستان ٹیم کی قیادت کی تھی۔رحمت شاہ 2021ء سے نائب کپتان کے طور پر خدمات انجام دے رہے تھے۔افغانستان کرکٹ بورڈ کا کہنا ہے کہ رحمت شاہ کا بطور کپتان پہلا اسائنمنٹ آئر لینڈ کے خلاف سیریز ہو گی۔رحمت شاہ نے 2013ء میں بین الاقوامی کرکٹ کا آغاز کیا تھا اور وہ افغانستان کی جانب سے 128 ون ڈے اور 12 ٹیسٹ میچز کھیل چکے ہیں۔