سر حد چیمبراور جوبلی جنرل انشورنس کمپنی کے درمیان ’دکان حفاظت‘ پلان کے تحت اسٹریٹجک شراکت داری کا معاہدہ پر د ستخط

پشاور(اُردو پوائنٹ اخبارتازہ ترین - این این آئی۔ 24 جولائی2026ء) سرحد چیمبر آف کامرس اینڈ انڈسٹری اور جوبلی جنرل انشورنس کمپنی لمیٹڈ کے در میا ن دکان حفاظت‘ اقدام کے تحت اراکین کو سہولت فراہم کرنے کیلئے اسٹریٹجک شراکت داری کے معا ہد ے پر د ستخط ہو ئے ہیں۔اس سلسلے میںگذشتہ روز چیمبر ہاؤس میںسر حد چیمبر ا ٓ ف کا مرس اینڈ انڈسٹر ی کے صدر جنید الطاف کی صدارت میں منعقدہ اجلاس کے دوران دونو ں اداروں کے ما بین مفاہمت کی یادداشت پر دستخط کی تقریب منعقد ہوئی۔

چیمبر کے سینئر نائب صدر محمد ندیم اور جوبلی جنرل انشورنس کے چیف ایگزیکٹو آفیسر اسفر ارشد نے باضابطہ طور پر ایم او یو پر دستخط کیے جس کا مقصد چھوٹے اور درمیانے درجے کے کاروباری اداروں (SMEs) کے کاروباری جگہ، دوکا ن اور گو دا م کیلئے انشورنس کی سہولیات فراہم کرنا ہے۔

(جاری ہے)

تقریب کے دوران جوبلی انشورنس کے نائب صدر (مارکیٹنگ) غضنفر ساول، سینئر نائب صدر/برانچ ہیڈ پشاور عطا محمد، فروہ عقیل اور دیگر حکام موجود تھے۔

ا س موقع پر سر حد چیمبر کی ایگزیکٹو کمیٹی کے اراکین عدنان ناصر، آفتاب اقبال، سیف اللہ خان اور کاروباری برادری کے اراکین بشمول شیر فرزند، احسان اللہ، سمیرچوہدری، صدر گل، ظہور خان، راشد اقبال صدیقی، گل زمان، شہر کی مختلف تاجر تنظیموں کے صدور اورسر حد چیمبر کے سیکرٹری جنرل مقتصد احسن بھی اس موقع پر موجود تھے۔جوبلی انشورنس کمپنی کی عہدیدار فروہ عقیل نے تقر یب کے دور ان ملٹی میڈیا پریزنٹیشن کے ذریعے ’دکان حفاظت‘ پروگرام، اس کے فوائد، طریقہ کار اور رجسٹریشن کے طریقوں کے بارے میں تفصیلی بریفنگ دی۔

صدر جنید الطاف نے اپنے ابتد ائی کلمات میں جوبلی انشورنس کے ساتھ اشتراک عمل کا خیرمقدم کیا اور ’دکان حفاظت‘ اقدام کے تحت اسٹریٹجک شراکت داری کی اہمیت کو اجاگر کیا۔ سر حد چیمبر کے صدر جنید الطاف نے جوبلی انشورنس سے دوکا ن حفا ظت پرو گرا م کے تحت طریقہ کار کو آسان بنانے ، پریمیم کی مالیت میں اضافہ اور اس اقدام کا دائرہ کار چھوٹے پیمانے کے کاروباروں سے بڑھا کر بڑے پیمانے کی مینوفیکچرنگ یونٹس تک وسیع کر نے کا تجو یز پیش کی۔

اس سے قبل، جوبلی انشورنس کے سی ای او اسفر ارشد نے تقریب کے دوران شرکاء اور تاجروں کے مختلف سوالات کا جواب دیتے ہوئے کہا کہ اس نئے اقدام یا پراڈکٹ کا مقصد خیبر پختونخوا کے چھوٹے اور درمیانے درجے کے کاروباری اداروں (SMEs) کو تحفظ فراہم کرنا ہے۔ارشد نے کہا کہ اس پروڈکٹ کی لاگت بہت کم ہوگی اور یہ مناسب تحفظ فراہم کرے گی۔انہوں نے خیبر پختونخوا کی کاروباری برادری نے اس نئی پراکٹ سے بھرپور فائدہ اٹھانے پر زور دیا ہے۔سی ای او نے سرحد چیمبر کی سفارشات کی روشنی میں اس اقدام کا دائرہ کار بڑے پیمانے کے کاروباروں تک بھی بڑ ھا نے کی بھر پور یقین دہا نی کی ہے۔