وزیراعلی پنجاب رحمت کارڈ پروگرام عملدرآمد کے اگلے مرحلے میں داخل

منگل 28 جولائی 2026 18:18

لاہور (اُردو پوائنٹ اخبارتازہ ترین - اے پی پی۔ 28 جولائی2026ء) وزیراعلی پنجاب رحمت کارڈ پروگرام عملدرآمد کے اگلے مرحلے میں داخل ہو گیا ہے اور منتخب بیواوں یتیموں کو جاز کیش کے ذریعے ڈیجیٹل مالی معاونت کی فراہمی کا باقاعدہ آغاز کر دیا گیا ہے۔ یہ منصوبہ حکومتِ پنجاب، محکمہ زکو و عشر، پنجاب انفارمیشن ٹیکنالوجی بورڈ، نادرا، پنجاب سوشل پروٹیکشن اتھارٹی، اربن یونٹ اور جاز کیش کا مشترکہ اقدام ہے جس کا مقصد درخواست سے ڈیجیٹل ادائیگی تک پورے امدادی عمل کو مکمل ڈیجیٹل بنانا ہے۔

قرعہ اندازی کی تقریب میں معاونِ خصوصی راشد اقبال نصراللہ نے پی آئی ٹی بی کی تکنیکی معاونت اور چیئرمین پی آئی ٹی بی فیصل یوسف کی بروقت رہنمائی کو سراہا جبکہ سیکرٹری زکوتہ و عشر عرفان احمد سندھو نے بھی محدود وقت میں نظام کی کامیاب تیاری پر پی آئی ٹی بی کی کاوشوں کی تعریف کی۔

(جاری ہے)

شرکا نے اسے محکمہ کا پہلا اور جدید ترین ٹیکنالوجی پر مبنی فلاحی منصوبہ قرار دیا، جس نے روایتی طریق کار کی جگہ شفاف اور تیز رفتار ڈیجیٹل نظام متعارف کرایا۔

پی آئی ٹی بی نے ٹیکنالوجی پارٹنر کے طور پر آن لائن پورٹل، موبائل ایپ، ہیلپ لائن، بینیفشری مینجمنٹ سسٹم، نادرا سے منسلک ویریفکیشن سسٹم، خودکار جانچ، ضلع وار کمپیوٹرائزڈ قرعہ اندازی اور مانیٹرنگ ڈیش بورڈز پر مشتمل مکمل ڈیجیٹل پلیٹ فارم تیار کیا۔ اس کے تحت شہریوں کی آن لائن درخواستوں کی تصدیق، جانچ، ضلعی کوٹہ کے تحت انتخاب، قرعہ اندازی اور بالآخر جاز کیشکے ذریعے ادائیگی مکمل کی گئی جو حکومتِ پنجاب کی شفاف اور ٹیکنالوجی سے مزین عوامی خدمات کے عزم کی عکاسی کرتا ہے۔