کماد کی فصل کو 16 مرتبہ پانی کی ضرورت ہوتی ہے، محکمہ زراعت سمبڑیال

ہفتہ 15 اگست 2026 17:04

سیالکوٹ (اُردو پوائنٹ اخبارتازہ ترین - اے پی پی۔ 15 اگست2026ء) کماد کی فصل کو 16 مرتبہ پانی کی ضرورت ہوتی ہے ،اگر موسم اور ضرورت کے مطابق کماد کی فصل کو سیراب کیا جائے تو گنے کی فی ایکڑ بہترین پیداوار حاصل کی جاسکتی ہے۔ان خیالات کا اظہار اسسٹنٹ ڈائریکٹر محکمہ زراعت توسیع ڈاکٹر افتخار حسین بھٹی نے اے پی پی سے خصوصی گفتگو کرتے ہوئے کیا۔

(جاری ہے)

انہوں نے بتایا کہ کماد کے کھیت کواگست میں ڈیڑھ سے 2ہفتے، ستمبر تا اکتوبر تک فی ہفتہ اور نومبر سے فروری تک 6 سے 7 ہفتے تک پانی دینا نہایت ضروری ہے۔

انہوں نے بتایا کہ فصل کو کھاد ڈالنے کے بعد آبپاشی کی اشد ضرورت ہوتی ہے تاکہ اس کے بہترین فوائد اور مطلوبہ مقاصد حاصل کئے جاسکیں۔ انہوں نے کہا کہ برسات کے موسم میں پانی کے تناسب کا خاص خیال رکھنا چاہئے کیونکہ ان ایام میں زیادہ پانی لگنے سے گنے کو کیڑا لگنے کا بھی خدشہ رہتا ہے۔