پاکستان ڈیری فارمر ایسوسی ایشن کے زیراہتمام آل پنجاب دودھ مقابلہ

ملتان کے فارمر حاجی شوکت ڈوگر کی بھینس فردوس ہینو نے 35.450 کلو گرام دودھ دیکر جیت لیا

منگل 7 جولائی 2026 14:27

مکو آ نہ (اُردو پوائنٹ اخبارتازہ ترین - این این آئی۔ 07 جولائی2026ء) پاکستان ڈیری فارمر ایسوسی ایشن کے زیراہتمام آل پنجاب دودھ مقابلہ ملتان کے فارمر حاجی شوکت ڈوگر کی بھینس فردوس ہینو نے 35.450 کلو گرام دودھ دیکر جیت لیا۔دوسری اور تیسری پوزیشن بھی اسی فارمر کی بھینس لیلی اور ریشما نے بالترتیب31.500 اور 31.450 کلوگرام دودھ دیکر حاصل کی۔

(جاری ہے)

مقابلہ میں میاں سجاد حالی فیصل آباد کی بھینس کاجل اور چھانا مانگا کے رانا ماجد خان کی بھینس تبسم نے 30.550 کلوگرام کے ساتھ مشترکہ طور پر چوتھی پوزیشن لی۔

صدر چوہدری عارف سعید،جنرل سیکرٹری طارق سلمان،نائب صدرتنویر جٹ،چوہدری ثاقب چٹھہ،علی رندھاوا،میاں عتیق،عمران مصطفی سیال ودیگر نے پوزیشن ہولڈرز میں نقد انعامات اور ٹرافیز تقسیم کیں۔مقابلہ میں مزمل جٹ ماہی گروپ فیصل آباد کی دو بھینسوں عنبر اور گاڈ گفٹ نے بھی30 کلوگرام سے زائد دودھ دیا۔مہمانوں نے سخت گرمی میں 30 کلوگرام سے زائد دودھ دینے پر بھینس مالکان/فارمرز کی محنت کو سراہا۔