نومنتخب بنگلادیشی صدر مرزا فخرالاسلام عالمگیر نے عہدے کاحلف اٹھالیا

جمعہ 21 اگست 2026 20:05

ڈھاکا(اُردو پوائنٹ اخبارتازہ ترین - این این آئی۔ 21 اگست2026ء) حکمراں جماعت بنگلادیش نیشنلسٹ پارٹی کے رکن، نو منتخب بنگلادیشی صدر مرزا فخرالاسلام عالمگیر نے عہدے کا حلف اٹھالیا۔

(جاری ہے)

چیف الیکشن کمشنر اے ایم ایم ناصر الدین کے مطابق صدارتی انتخاب میں مرزا فخر الاسلام عالم گیر نے 255 ووٹ حاصل کیے جبکہ جماعتِ اسلامی کی قیادت میں اتحاد کے امیدوار اور لبرل ڈیموکریٹک پارٹی کے چیئرمین اولی احمد کو 88 ووٹ ملے۔

صدارتی انتخاب سابق صدر محمد شہاب الدین چپو کے مستعفی ہونے کے بعد خالی ہونے والے عہدے پر کروایا گیا، سابق صدر نے 24 جولائی کو استعفی دیا تھا۔بنگلا دیش کے آئین کے تحت صدر کا عہدہ خالی ہونے کے 90 دن کے اندر نئے صدر کا انتخاب لازمی ہے۔ نو منتخب صدر مرزا فخر الاسلام عالمگیر نے جمعے کی شام اپنے عہدے کا حلف اٹھایا۔