پمز ہسپتال واقعہ؛ نئے تعینات سیکرٹری صحت ماضی میں متعدد الزامات میں نامزد رہ چکے

نئے سیکرٹری رنگ روڈ، گندم درآمد، آئی ٹی اور نندی پور اسکینڈل میں بھی ملوث رہے، مئی2021 میں بطور کمشنر راولپنڈی رنگ روڈ اسکینڈل میں گرفتار بھی ہوئے

ثنااللہ ناگرہ جمعرات 27 اگست 2026 18:54

پمز ہسپتال واقعہ؛ نئے تعینات سیکرٹری صحت ماضی میں متعدد الزامات میں ..

اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 27 اگست 2026ء ) پمز ہسپتال واقعہ میں نئے تعینات سیکرٹری صحت محمد محمود ماضی میں متعدد الزامات میں نامزد رہ چکے ہیں۔ اےآروائی کے مطابق نئے سیکرٹری صحت محمد محمود رنگ روڈ، گندم درآمد، آئی ٹی اور نندی پور اسکینڈل میں نامزد رہے۔ مئی2021 میں محمد محمود بطور کمشنر راولپنڈی رنگ روڈ اسکینڈل میں گرفتار بھی ہوئے۔

نئے سیکرٹری صحت متعدد کرپشن الزامات اور انکوائریوں کا بھی سامنا کرچکے ہیں۔ سابق کمشنر پر کنسلٹنٹس کی ملی بھگت سے غیرقانونی طور پر بولیوں کے اشتہار کا بھی الزام تھا، گندم اسکینڈل 2023میں بھی ان کا مرکزی کردار سامنے آیا تھا،گندم درآمد اسکینڈل کے وقت سیکرٹری فوڈ تعینات تھے، سابق سیکرٹری فوڈ کا کہنا تھا کہ گندم درآمد پر پابندی نہیں تھی، یہ ڈی پی پی کا اپنا فیصلہ تھا۔

(جاری ہے)

ان پر بطور سابق سیکرٹری آئی ٹی بھی76ارب روپے نادہندہ ایل ڈی آئی کمپنیوں کی جانبداری کا الزام تھا۔

پمزواقعےکےبعدنئےتعینات سیکرٹری صحت محمدمحمودماضی میں کئی الزامات میں نامزدرہے

نئےسیکرٹری صحت محمدمحمودرنگ روڈ،گندم درآمد،آئی ٹی اورنندی پوراسکینڈل میں نامزدرہے

مئی2021میں محمدمحمودبطورکمشنرراولپنڈی رنگ روڈاسکینڈل میں گرفتارہوئے#ARYNews pic.twitter.com/ieunT4ZfOi
— ARY NEWS (@ARYNEWSOFFICIAL) August 27, 2026

دوسری جانب وی نیوز کے مطابق پمز ہسپتال کا دورہ کرنے والے پارلیمنٹیرینز کے سامنے ایک شہری نے انتظامیہ کے رویے کے خلاف دہائی دیتے ہوئے شدید احتجاج کیا، شہری نے بتایا کہ سانحے کے فوراً بعد ہسپتال انتظامیہ نے نئے زچگی کے کیسز داخل کرنے سے صاف انکار کر دیا ہے۔

شہری نے انکشاف کرتے ہوئے بتایا کہ زچگی کے لیے آئی ہوئی ان کی حاملہ بیوی کو داخل کرنے کے بجائے دوسرے ہسپتال منتقل کرنے کا کہا جا رہا ہے، انتظامیہ مجھ پر دباؤ ڈال رہی ہے کہ میں ایک کاغذی حلف نامے پر دستخط کروں جس میں لکھا ہے کہ اگر آپریشن یا علاج کے دوران میرا بچہ مر گیا تو اس کی تمام تر ذمہ داری مجھ پر ہوگی اور ہسپتال انتظامیہ اس کی بالکل ذمہ دار نہیں ہوگی۔ واضح رہے کہ بدھ کے روز پمز ہسپتال کے گائنی وارڈ میں شارٹ سرکٹ اور اے سی کے دھماکے کے بعد لگنے والی آگ کے نتیجے میں 14 نوزائیدہ بچے زندہ جھلس کر جاں بحق ہو گئے تھے، جس کے بعد حکومت نے اعلیٰ سطح پر تحقیقات کا حکم دیتے ہوئے سیکرٹری صحت کو معطل کردیا تھا۔