مانسہرہ ، لاپتہ آئرش کوہ پیما کی لاش جنگلات سے برآمد، ساتھی باحفاظت واپس پہنچ گیا

بدھ 2 ستمبر 2026 21:55

مانسہرہ (اُردو پوائنٹ اخبارتازہ ترین - این این آئی۔ 02 ستمبر2026ء) مانسہرہ کی وادی سرن میں لاپتہ آئرش کوہ پیما الیگزینڈر کی لاش پراچہ کٹھہ کے جنگلات سے مل گئی، ریسکیو ٹیم کی جانب سے لاش ہسپتال منتقل کر دی گئی۔ریسکیو حکام کے مطابق الیگزینڈر کی موت کی وجوہات کے بارے میں فی الحال کچھ کہنا قبل از وقت ہے۔

(جاری ہے)

پولیس کے مطابق آئرش کوہ پیما الیگزینڈر اور برطانوی کوہ پیما ایلن ڈیوڈ کوپر 28 اگست کو گلگت بلتستان سے منڈاکچھہ پہنچے تھے، دونوں کوہ پیمائوں نے اسی روز 13500 فٹ بلند موسی کا مصلی کی چوٹی سر کرنے کی مہم شروع کی تھی۔پولیس کے مطابق برطانوی کوہ پیما ایلن ڈیوڈ کوپر 3 روز قبل باحفاظت منڈاکچھہ واپس پہنچ چکے ہیں۔دونوں دوستوں نے الگ الگ راستوں سے نیچے پہنچنے کی شرط لگائی تھی۔