الله تعالٰی نے ہمیں جھوٹے الزام سے بری کردیا، ثاقب چدھڑ

آج واضح ہوگیا کہ میرے خلاف تمام کیسز فیک تھے، میں نے این سی آئی کو جو شواہد دیئے اس کے بعد انہوں نے کہا کہ انہیں گرفتاری نہیں چاہیے؛ مسلم لیگ ن کے ایم پی اے کی میڈیا سے گفتگو

ساجد علی جمعرات 3 ستمبر 2026 14:15

الله تعالٰی نے ہمیں جھوٹے الزام سے بری کردیا، ثاقب چدھڑ

لاہور (اُردو پوائنٹ اخبارتازہ ترین۔ 03 ستمبر 2026ء) معروف اداکارہ مومنہ اقبال ہراسانی کیس میں نیشنل سائبر کرائم انویسٹی گیشن ایجنسی (این سی سی آئی اے) کی جانب سے بے قصور قرار دیئے جانے کے بعد مسلم لیگ ن کے رکن پنجاب اسمبلی ثاقب چڈھر نے اپنی عبوری ضمانت کی درخواست واپس لے لی۔ سیشن عدالت لاہور کے باہر میڈیا نمائندوں سے گفتگو کرتے ہوئے ن لیگی ایم پی اے ثاقب چڈھر نے اللہ تعالیٰ کا شکر ادا کرتے ہوئے کہا کہ سچائی کی فتح ہوئی ہے اور ان پر لگائے گئے تمام الزامات بے بنیاد ثابت ہوئے ہیں۔

ان کا کہنا تھا کہ الحمد للہ! اللہ تعالیٰ نے ہمیں اس جھوٹے الزام سے بری کرکے سرخرو کیا ہے، آج یہ بات پوری طرح سے واضح ہو چکی ہے کہ میرے خلاف بنائے گئے تمام کیسز مکمل طور پر فیک اور من گھڑت تھے، میں نے این سی سی آئی اے کو تمام تر شواہد اور حقائق فراہم کیے، جس کے بعد انہوں نے عدالت کو واضح طور پر بتایا کہ انہیں میری یا میری اہلیہ کی گرفتاری درکار نہیں ہے۔

(جاری ہے)

لاہور : لیگی ایم پی اے ثاقب چدھڑ کی عبوری ضمانت کی واپس لینے کے بعد میڈیا سے گفتگو کرتے ہوئے کہا کہ این سی آئی کو جو شواہد دیے اسکے بعد انہوں نے کہا کہ گرفتاری نہیں چاہیے ، اللہ کا شکر ادا کرتا ہوں جس نے آج مجھے سرخرو کیا۔۔۔ pic.twitter.com/lbvhI6uqar
— Abdul Rauf Bazmi (@RaufBazmi) September 3, 2026

ثاقب چڈھر نے اس مشکل وقت میں ساتھ دینے پر اپنے ووٹرز اور حامیوں کا خصوصی شکریہ ادا کرتے ہوئے کہا کہ میں اپنے تمام سپورٹرز، ووٹرز اور خصوصاً اپنے حلقے کی غیور عوام کا تہہِ دل سے مشکور ہوں جو اس سخت بحران اور آزمائش کی گھڑی میں میرے ساتھ مضبوطی سے کھڑے رہے اور مجھ پر اعتماد کیا۔

واضح رہے کہ این سی سی آئی اے کی جانب سے عدالت میں جمع کروائی گئی تفتیشی رپورٹ میں ایم پی اے اور ان کی اہلیہ کو فی الحال بے قصور قرار دیتے ہوئے عدم گرفتاری کا بیان دیا گیا تھا، جس کی بناء پر انہوں نے عدالت سے اپنی عبوری ضمانت کی درخواست واپس لے لی ہے۔

Facebook Twitter Google + Share on Whatsapp

الله تعالٰی نے ہمیں جھوٹے الزام سے بری کردیا، ثاقب چدھڑ

متعلقہ عنوان :

مزید اہم خبریں