قائم مقام وائس چانسلر یونیورسٹی آف سرگودھا کی زیرِ صدارت تعلیمی و انتظامی امور کے حوالے سے اجلاس کا انعقاد

جمعرات 10 ستمبر 2026 21:14

سرگودھا (اُردو پوائنٹ اخبارتازہ ترین - اے پی پی۔ 10 ستمبر2026ء) قائم مقام وائس چانسلر یونیورسٹی آف سرگودھا پروفیسر ڈاکٹر مسعود سرور اعوان نے اہم تعلیمی اور انتظامی امور پر غور و خوض کرنے کے لیے فیکلٹیز کے ڈینز اور یونیورسٹی کےاہم عہدیداران کےساتھ ایک اجلاس منعقد کیا۔ اجلاس میں جاری سمسٹر، الحاق شدہ کالجوں کے امتحانات اور دیگر کلیدی ادارہ جاتی سرگرمیوں سے متعلق معاملات کاجائزہ لیاگیا۔

قائم مقام وائس چانسلرپروفیسرڈاکٹر مسعود سرور اعوان نے تمام تعلیمی و انتظامی سرگرمیوں کے بلا تعطل جاری رہنے، متعلقہ دفاتر کے درمیان مؤثرباہمی رابطے اور جاری معاملات کی بروقت تکمیل پر زور دیا۔ ڈینز اور اہم عہدیداران نے تعلیمی و انتظامی امور کو بلا تعطل جاری رکھنے کو یقینی بنانے کے لیے اپنےمکمل تعاون اور عزم کا اعادہ کیا۔

(جاری ہے)

اس کے علاوہ قائم مقام وائس چانسلر نے 11 ستمبر 2026ء کو شیڈول ، اسپیشل ڈیپارٹمنٹل اکاؤنٹس کمیٹی(SDAC) کے اجلاس کے سلسلے میں تیاری کے اجلاس کی صدارت بھی کی۔

اجلاس میں متعلقہ آڈٹ پیراز (audit paras) کا جائزہ لیا گیا اور آئندہ SDAC اجلاس کی مؤثر تیاری کو یقینی بنانے کے لیے ضروری جوابات، وضاحتوں اور فالو اپ اقدامات پر غور و خوض کیا گیا۔ متعلقہ افسران اور عہدیداران نے اجلاس میں شرکت کی۔

Facebook Twitter Google + Share on Whatsapp

قائم مقام وائس چانسلر یونیورسٹی آف سرگودھا کی زیرِ صدارت تعلیمی و انتظامی امور کے حوالے سے اجلاس کا انعقاد

متعلقہ عنوان :

مزید تعلیم کی خبریں