پاسپورٹ نہ ہونے والی بات بلکل غلط ہے، رضا اللہ نے حقیقت بتا دی

تین بیٹ ساتھ لے کر آیا تھا جس میں سے دو ٹوٹ گئے، بس ایک ہی بچا ہے، رضا اللہ

ذیشان مہتاب ہفتہ 12 ستمبر 2026 10:57

پاسپورٹ نہ ہونے والی بات بلکل غلط ہے، رضا اللہ نے حقیقت بتا دی

برمنگھم (اردو پوائنٹ تازہ ترین اخبار ۔ 12 ستمبر 2026ء ) ڈیبیو ٹیسٹ میں ریکارڈز کے انبار لگانے والے رضا اللہ نے ٹیم میں نام آنے کے وقت پاسپورٹ نہ ہونے والی افواہوں پر رد عمل دے دیا۔

تیسرے روز کھیل کے اختتام کے بعد 81 رنز کی جارحانہ اننگز کھیلنے والے رضا اللہ محمد عباس کے ہمراہ پریس کانفرنس میں آئے۔

رضا اللہ نے پاسپورٹ نہ ہونے کی خبریں غلط قرار دیتے ہوئے کہا کہ میرا پاسپورٹ ایک سال پہلے کا بنا ہوا ہے۔

انہوں نے کہا کہ میں این سی اے کے کیمپ سے واپس گیا تھا، ایک صبح میں فجر کی نماز پڑھ رہا تھا تو نبیل بھائی کی کال آئی کہ فوراً لاہور واپس آجاؤ، مجھے لگا کہ شاید ایشین گیمز کے لیے بلایا ہے لیکن جب وہاں پہنچا تو پتہ چلا کہ ٹیسٹ میچ کھیلنے جا رہا ہوں۔

(جاری ہے)

Razaullah dismisses reports about his passport, saying, “The passport news is false — I got my passport made a year ago.” pic.twitter.com/kD73qeIDbu
— Thakur (@hassam_sajjad) September 11, 2026