پرائیویٹ حج اسکیم کے تحت بکنگ جاری، دو ہزار سے زائد حج پیکیجز متعارف

پرائیویٹ حج کی بکنگ اور ادائیگی صرف پاک حج ایپ اور پورٹل سے ممکن ہے، ترجمان وزارت مذہبی امور

ہفتہ 12 ستمبر 2026 20:25

اسلام آباد (اُردو پوائنٹ اخبارتازہ ترین - این این آئی۔ 12 ستمبر2026ء) وفاقی وزارت مذہبی امور نے کہا ہے کہ پرائیویٹ حج اسکیم کے تحت بکنگ جاری ہے جبکہ تاحال 64 ہزار نشستیں دستیاب ہیں اور منظم کمپنیوں نے دو ہزار سے زائد مختلف حج پیکیجز متعارف کروائے ہیں۔

(جاری ہے)

ترجمان وزارت مذہبی امور کی جانب سے جاری بیان کے مطابق پاک حج ایپ اور حج پورٹل سے پرائیویٹ حج کی بکنگ جاری ہے اور اب تک7 ہزار 600 عازمین حج کی پرائیویٹ اسکیم میں بکنگ مکمل ہوگئی ہے جبکہ رائیویٹ حج اسکیم میں 64 ہزار حج نشستیں تاحال دستیاب ہیں۔

انہوں نے بتایا کہ25 منظم کمپنیوں کو حج پورٹل کے ذریعے 6 ارب 88 کروڑ روپے موصول ہوئے ہیں اور پرائیویٹ حج بکنگ کی آخری تاریخ 20 نومبر مقرر ہے۔انہوںنے کہاکہ 25 منظم کمپنیوں نے دو ہزار سے زائد مختلف حج پیکیجز متعارف کروائے ہیں۔ترجمان نے بتایا کہ پرائیویٹ حج کی بکنگ اور ادائیگی صرف پاک حج ایپ اور پورٹل سے ممکن ہے، لہذا عوام ہوشیار رہیں، پورٹل کے علاوہ کسی فرد یا کمپنی کو حج واجبات جمع نہ کرائیں۔