ڈیرہ مراد جمالی ،چھتر ،صحبت پور میں نامعلوم مسلح ڈاکو 11لاکھ روپے ،دو موٹرسائیکلیں اوردیگر سامان لوٹ کرفرار

بدھ 16 ستمبر 2026 06:25

ڈیرہ مراد جمالی (اُردو پوائنٹ اخبارتازہ ترین - این این آئی۔ 16 ستمبر2026ء) ڈیرہ مراد جمالی چھتر صحبت پور ڈیرہ اللہ یار اور لانڈھی میں ڈکیتی رہزنی کی وارداتیں گیارہ لاکھ روپے نقدی دو موٹر سائیکل ،آٹھ موبائل فون ، چھ بوریاں گندم ،چار بوریاں چنا اور درجنوں واٹر کولر ودیگر سامان لوٹ لیا گیا ڈاکووں کا کار پر فائرنگ ڈرائیور شدید زخمی ہسپتال منتقل ملزمان فرار ہوگئے پولیس کے مطابق ڈیرہ مراد جمالی انڈسٹریز ایریا میں نا معلوم مسلح ڈاکووں نے اسلحے کے زور پر محمد اقبال بھٹی سے موٹر سائیکل نقدی موبائل چھینکر فرار ہوگئے پولیس تھانہ چھتر کی حدود چھتر روڈ اچانک ہوٹل کے مقام پر مسلح ڈاکو اسلحے کے زور پر علی نواز چاچڑ سے موٹر سائیکل موبائل فون نقدی چھین کر فرار ہوگئے پولیس تھانہ لانڈھی شریف کی حدود نوتال گنداواہ روڈ پر ڈاکووں کی لوٹنے کی کوشش کار نہ رکنے پر فائرنگ سے کار ڈرایور زخمی ہوگیا ملزمان فرار ہوگئے زخمی کو ٹیچنگ ہسپتال ڈیرہ مراد جمالی منتقل کردیا گیا صحبت پور کے قریب پولیس تھانہ شہید ملک محمد علی کی حدود گنڈو لاڑو کے مقام پر بیکری سیل انچارج سرفراز رنڈ سے نا معلوم مسلح ڈاکووں نے اسلحے کے زور پر گیارہ لاکھ روپے نقدی ودیگر سامان چھین کر فرار ہوگئے ڈیرہ اللہ یار کے قریب زیرو پوائنٹ کے مقام پر گزشتہ شب نا چور فقیر محمد ابڑو کے دکان کے تالے توڑ کر چھ گندم بوریاں چار چنے کی بوریاں اور درجنوں واٹر کولر چوری کرکے فرار ہوگئے ۔