زرعی یونیورسٹی پشاور میں ادارہ جاتی معیارِ تعلیم سرکل کے تیسرے اجلاس کا انعقاد

پشاور (اُردو پوائنٹ اخبارتازہ ترین - اے پی پی۔ 23 ستمبر2026ء) زرعی یونیورسٹی پشاور میں "ادارہ جاتی معیارِ تعلیم سرکل " کا تیسرا اجلاس وائس چانسلر پروفیسر ڈاکٹر سرزمین خان کی زیر صدارت منعقد ہوا۔ ترجمان زرعی یو نیورسٹی پشاور کے مطابق اجلاس کے آغاز میں ڈائریکٹر کوالٹی ایشورنس، ڈاکٹر محمد بلال نے اجلاس کا ایجنڈا پیش کیا اور ایچ ای سی کے PSG-2023 کے تناظر میں IQC کے کردار اور ذمہ داریوں پر تفصیلی روشنی ڈالی۔

انہوں نے ادارے میں معیارِ تعلیم کے فروغ، مؤثر ادارہ جاتی اور مسلسل معیار میں بہتری کے لئے IQC کی اہمیت کو اجاگر کیا۔اجلاس میں IQC کے پہلے اور دوسرے اجلاس کے فیصلوں اور ایکشن پلان پر عملدرآمد کی صورتحال کا تفصیلی جائزہ لیا گیا۔ شرکاء نے مختلف فیصلوں پر پیش رفت کا جائزہ لیتے ہوئے آئندہ کے لائحہ عمل پر بھی غور کیا۔

(جاری ہے)

اجلاس میں IPR Preparation اور Follow-up Committees کی تشکیل کی منظوری دی گئی جن کا مقصد ادارہ جاتی معیار سے متعلق تقاضوں کی مؤثر تیاری، عملدرآمد، نگرانی اور فالو اَپ کو یقینی بنانا ہے۔

اس موقع پر یونیورسٹی کی "کوالٹی پالیسی" بھی اجلاس میں پیش کی گئی، جسے IQC نے باقاعدہ طور پر منظور کر لیا۔ اس منظوری کو یونیورسٹی کے معیارِ تعلیم اور ادارہ جاتی معیار کے نظام کو مزید مستحکم کرنے کی جانب ایک اہم پیش رفت قرار دیا گیا۔اجلاس میں Assessment Team Report بھی تفصیل سے پیش کی گئی اور اس میں دی گئی سفارشات پر عملدرآمد کی صورتحال کا جائزہ لیا گیا۔

اسی طرح Self-GPR Report بھی IQC کے سامنے پیش کی گئی اور اس سے متعلق پیش رفت اور آئندہ کے اقدامات پر غور کیا گیا۔اجلاس کے اختتام پر یونیورسٹی کے مختلف ڈگری پروگرامز کی ایکریڈیٹیشن کی صورتحال کا جائزہ لیا گیا، بالخصوص سال 25-2024 اور 26-2025 کے دوران ہونے والے ایکریڈیٹیشن وزٹس اور متعلقہ پروگرامز کی ایکریڈیٹیشن کے حوالے سے پیش رفت پر تفصیلی تبادلہ خیال کیا گیا۔

اجلاس میں وائس چانسلر پروفیسر ڈاکٹر سرزمین خان و شرکاء نے اس عزم کا اعادہ کیا کہ یونیورسٹی میں معیارِ تعلیم کے نظام کو مزید مؤثر بنایا جائے گا، IQC کے فیصلوں پر مؤثر عملدرآمد یقینی بنایا جائے گا اور مسلسل معیار میں بہتری (Continuous Quality Improvement) کے کلچر کو مزید فروغ دیا جائے گا۔اجلاس میں ڈین پروفیسر ڈاکٹر عبدالرحمن، ڈین پروفیسر ڈاکٹر محمد ظفر اللہ خان، ڈائریکٹر اوریک پروفیسر ڈاکٹر محمد عارف، ڈائریکٹر ایڈوانسڈ سٹڈیز اینڈ ریسرچ پروفیسر ڈاکٹر محمد ساجد، ڈائریکٹر ٹیچنگ دلدار حسین، ڈائریکٹر انسٹیٹیوٹ آف الائیڈ ہیلتھ سائنسز پروفیسر ڈاکٹر سیار قاضی، پروفیسر ڈاکٹر نوید اللہ، پروفیسر ڈاکٹر محمد سعید، کنٹرولر امتحانات ڈاکٹر سعد سعود الرحمٰن، ڈپٹی ڈائریکٹر کوالٹی ایشورنس ڈاکٹر محمد کامران نے شرکت کی۔