جیکب آباد، تجاوزات اور غیر قانونی پارکنگ کے خلاف کارروائی، 9 دکانیں سیل

جمعرات 1 اکتوبر 2026 18:16

جیکب آباد (اُردو پوائنٹ اخبارتازہ ترین - اے پی پی۔ 01 اکتوبر2026ء) ڈپٹی کمشنر جیکب آباد شہزاد احمد نے شہر کے اہم شاہراہوں قائداعظم روڈ اور آدم خان پنہور روڈ پر تجاوزات اور غیر قانونی پارکنگ کے باعث ٹریفک کی روانی متاثر ہونے کا نوٹس لیتے ہوئے کارروائی کی ہدایت کی۔

(جاری ہے)

اسسٹنٹ کمشنر جیکب آباد نے ٹریفک پولیس اور پولیس کے ہمراہ کارروائی کرتے ہوئے آدم خان پنہور روڈ پر تقریباً 9 دکانیں سیل کر دیں، جبکہ ٹریفک میں رکاوٹ بننے والی 3 گاڑیاں، جن میں مہران، جی ایل آئی اور کلٹس شامل ہیں، سمیت 6 رکشے تحویل میں لے لیے گئے۔

انتظامیہ کے مطابق دکانداروں اور گاڑی مالکان کو تجاوزات اور غیر قانونی پارکنگ ختم کرنے کی متعدد بار ہدایات دی گئی تھیں۔ ڈپٹی کمشنر نے کہا کہ شہر میں ٹریفک کی روانی برقرار رکھنے اور شہریوں کو آمدورفت کی بہتر سہولت فراہم کرنے کے لیے تجاوزات اور غیر قانونی پارکنگ کے خلاف کارروائیاں جاری رہیں گی۔\378