Baat Se Baat - Article No. 1791
بات سے بات - تحریر نمبر 1791
تقریر کرنے سے پہلے یہ کہانی ضرور پڑھیے۔ایک مسکراتی تحریر
پیر 31 اگست 2020
شازیہ فردوس
ایک صاحب کو کسی مجلس میں تقریر کرنی پڑ گئی۔انہوں نے زندگی میں پہلے کبھی تقریر نہ کی تھی۔کسی نے مشورہ دیا کہ بھائی!تقریر کرنا کون سا مشکل کام ہے۔اک جملہ بولو اور اسی سے دوسرا جملہ نکال لو۔سب اسی طرح تقریر کرتے ہیں۔وہ صاحب اسٹیج پر آئے اور تقریر یوں شروع کی:
السلام علیکم!اسلام میں سلام کی اہمیت سے تو آپ سب واقف ہیں۔اسلام میں جھوٹ بولنا سخت منع ہے۔جھوٹ تمام بُرائیوں کی جڑ ہے۔ سب سے لمبی جڑ خربوزے کی ہوتی ہے۔خربوزے کو دیکھ کر خربوزہ رنگ پکڑتا ہے۔اسلام میں رنگ و نسل کا کوئی تصور نہیں۔مسلمانوں کے احرام کا رنگ سفید ہوتا ہے۔مسلمان وہ ہے جس کی زبان سے ہمیشہ میٹھی اور اچھی بات نکلے۔بکرے کی زبان کبھی نہیں کھانی چاہیے۔
جانوروں کی عقل انسان سے کم ہوتی ہے۔آج تک کوئی فیصلہ نہیں کر سکا کہ عقل بڑی ہوتی ہے یا بھینس؟ بھینس کے آگے بین بجانے کا کوئی فائدہ نہیں ہوتا۔بین بجانے کے لئے بڑی مہارت کی ضرورت ہوتی ہے۔تالی ایک ہاتھ سے نہیں بجتی ہے۔عالم چنا کا ہاتھ بہت بڑا تھا۔ جانوروں کا دل بڑا ہوتا ہے جسامت میں۔ہمارے ملک میں دل کی بیماریاں بہت پھیل رہی ہیں۔ بیماری کے دوران اور بعد میں مریض کو مکمل آرام کی ضرورت ہوتی ہے۔اس تیز رفتار زمانے میں آرام کا تصور مٹ چکا ہے۔ربر مٹانے کے کام آتاہے۔چین میں ربر کے بڑے بڑے درخت ہیں۔درخت لگانا ثواب کا کام ہے۔مولانا عبدالستار ایدھی بہت ثواب کا کام کرتے تھے۔
بچوں کو عیدی نہیں دینی چاہیے، کیونکہ ان کی عادت بگڑ جاتی ہے چاہے رائی کے برابر دی جائے۔رائی کا پہاڑ بنانے کی عادت اچھی نہیں۔ رائی اچار میں استعمال ہوتی ہے ۔اچار کھٹا ہوتا ہے۔کھٹی چیزیں کھانے سے گلا خراب ہو جاتا ہے۔گلے میں پیسے نہیں جمع کرنے چاہییں، کیونکہ وہ ٹوٹ جاتا ہے۔پیسوں پر لوگ ٹوٹ پڑتے ہیں۔چھوٹے بچوں کے دانت ٹوٹنے کے بعد نئے نکل آتے ہیں اور اگر ان پر زبان لگاؤ تو دانت ٹیڑھے نکل آتے ہیں۔ کتے کی دُم ٹیڑھی ہوتی ہے۔کتا وفا دار جانور ہے۔نوکر رکھنے سے پہلے اس کی وفا داری کا امتحان ضرور لینا چاہیے۔پتنگ کو جب تک ڈھیل نہ دی جائے وہ اوپر نہیں جاتی۔پتنگ بازی بہت سے حادثات کا سبب بنتی ہے۔حادثات کو روکنا پولیس کا کام ہے۔کرفیو میں پولیس لوگوں کو باہر نکلنے کی اجازت نہیں دیتی۔اب میں آپ سے اجازت چاہتا ہوں۔
ایک صاحب کو کسی مجلس میں تقریر کرنی پڑ گئی۔انہوں نے زندگی میں پہلے کبھی تقریر نہ کی تھی۔کسی نے مشورہ دیا کہ بھائی!تقریر کرنا کون سا مشکل کام ہے۔اک جملہ بولو اور اسی سے دوسرا جملہ نکال لو۔سب اسی طرح تقریر کرتے ہیں۔وہ صاحب اسٹیج پر آئے اور تقریر یوں شروع کی:
السلام علیکم!اسلام میں سلام کی اہمیت سے تو آپ سب واقف ہیں۔اسلام میں جھوٹ بولنا سخت منع ہے۔جھوٹ تمام بُرائیوں کی جڑ ہے۔ سب سے لمبی جڑ خربوزے کی ہوتی ہے۔خربوزے کو دیکھ کر خربوزہ رنگ پکڑتا ہے۔اسلام میں رنگ و نسل کا کوئی تصور نہیں۔مسلمانوں کے احرام کا رنگ سفید ہوتا ہے۔مسلمان وہ ہے جس کی زبان سے ہمیشہ میٹھی اور اچھی بات نکلے۔بکرے کی زبان کبھی نہیں کھانی چاہیے۔
(جاری ہے)
بکرے کی ماں آخر کب تک خیر منائے گئی۔
ایک دن چھری کے نیچے آئے گی۔ماں کے قدموں کے نیچے جنت ہوتی ہے۔جنت میں پینے کے لئے پانی کے بجائے دودھ ملتا ہے۔گوالے دودھ میں پانی ملا کر بیچتے ہیں۔آج کل شہر میں پانی کی بڑی قلت ہے۔شہر قصبے سے بڑا ہوتا ہے۔ پانی کا سب سے بڑا جانور وھیل ہوتاہے۔جانوروں کی عقل انسان سے کم ہوتی ہے۔آج تک کوئی فیصلہ نہیں کر سکا کہ عقل بڑی ہوتی ہے یا بھینس؟ بھینس کے آگے بین بجانے کا کوئی فائدہ نہیں ہوتا۔بین بجانے کے لئے بڑی مہارت کی ضرورت ہوتی ہے۔تالی ایک ہاتھ سے نہیں بجتی ہے۔عالم چنا کا ہاتھ بہت بڑا تھا۔ جانوروں کا دل بڑا ہوتا ہے جسامت میں۔ہمارے ملک میں دل کی بیماریاں بہت پھیل رہی ہیں۔ بیماری کے دوران اور بعد میں مریض کو مکمل آرام کی ضرورت ہوتی ہے۔اس تیز رفتار زمانے میں آرام کا تصور مٹ چکا ہے۔ربر مٹانے کے کام آتاہے۔چین میں ربر کے بڑے بڑے درخت ہیں۔درخت لگانا ثواب کا کام ہے۔مولانا عبدالستار ایدھی بہت ثواب کا کام کرتے تھے۔
بچوں کو عیدی نہیں دینی چاہیے، کیونکہ ان کی عادت بگڑ جاتی ہے چاہے رائی کے برابر دی جائے۔رائی کا پہاڑ بنانے کی عادت اچھی نہیں۔ رائی اچار میں استعمال ہوتی ہے ۔اچار کھٹا ہوتا ہے۔کھٹی چیزیں کھانے سے گلا خراب ہو جاتا ہے۔گلے میں پیسے نہیں جمع کرنے چاہییں، کیونکہ وہ ٹوٹ جاتا ہے۔پیسوں پر لوگ ٹوٹ پڑتے ہیں۔چھوٹے بچوں کے دانت ٹوٹنے کے بعد نئے نکل آتے ہیں اور اگر ان پر زبان لگاؤ تو دانت ٹیڑھے نکل آتے ہیں۔ کتے کی دُم ٹیڑھی ہوتی ہے۔کتا وفا دار جانور ہے۔نوکر رکھنے سے پہلے اس کی وفا داری کا امتحان ضرور لینا چاہیے۔پتنگ کو جب تک ڈھیل نہ دی جائے وہ اوپر نہیں جاتی۔پتنگ بازی بہت سے حادثات کا سبب بنتی ہے۔حادثات کو روکنا پولیس کا کام ہے۔کرفیو میں پولیس لوگوں کو باہر نکلنے کی اجازت نہیں دیتی۔اب میں آپ سے اجازت چاہتا ہوں۔
Browse More Funny Stories
میان پوترو!
Miyan Putro
مشغلے کی تلاش
Mashghalay Ki Talash
شیخ چلی کے خیالی پلاؤ
Sheikh Chilli Ke Khayali Pulao
مرزا صاحب
Mirza Sahab
نانی ٹخو
Naani Takhu
دوا نمبر اکیس
Dawa Number Ikees
Urdu Jokes
صحت مند مرد کی تلاش
sehat mand mard ki talaash
رکشا ڈرائیور
rickshaw driver
شخص وکیل سے
Shakhs wakeel se
جج ملزم سے
Judge mulzim se
زیادہ ہجوم
zyada hajoom
تنقید
Tanqeed
Urdu Paheliyan
دریا کوہ سمندر دیکھے
darya kohe samandar dekhe
گن کر دیکھا تو وہ ایک
gin kar dekha tu wo aik
اک رہ پہ دو بہنیں جائیں
ek raah pe do behne jaye
چٹے پتھر تڑتڑ برسے
chitty pathar tartar barse
کبھی اٹھایا کبھی بٹھایا
kabhi uthaya kabhi bithaya
جال کے اوپر چڑیا آئے
jaal ke opar chirya aye
ArticlesStoriesMiscellaneousGamesBaby NamesUrdu Videos