&یوتھ فیسٹیول منعقد کرانے کا مقصد نوجوانوں کو مثبت سرگرمیاں فراہم کرنا ہے ، عادل زمان کاسی

s لورالائی (اُردو پوائنٹ اخبارتازہ ترین - آن لائن۔ 23 مئی2024ء) دو روزہ دوسرا لورالائی یوتھ فیسٹیول لورالائی ڈویڑن شاندار اور پروقار اندازمیں لورالائی یونیورسٹی میں اختتام پذیر، سرکاری آفسران طلبہ و طالبات کثیر کی تعداد میں شرکت اختتامی تقریب کے مہمان خصوصی لورالائی یونیورسٹی کے پروائس چانسلر عادل زمان کاسی نے خطاب کرتے ہوئے کہا کہ بلوچستان کے نوجوانوں کو غیر نصابی سرگرموں کی طرف راغب کرنے اور کھیلوں کے مواقع فراہم کرنے کیلے صوبے میں اقدامات کرنے پر بلوچستان یوتھ آفیر ڈیپارٹمنٹ کو خراج تحسین پیش کرتے ہیں اور دوسرے یوتھ فیسٹیول کیلئے لورالائی یونیورسٹی کو منتخب کرنے پر محکمہ یوتھ آفیر اور خصوصا ڈائریکٹر عباس علی کھوسہ اور ان کی ٹیم کے مشکور ہیں اور امید کرتے ہیں کہ وہ آئندہ بھی لورالائی یونیورسٹی میں اس طرح کے پروقار معلوماتی اور ذہنی آزمائش کے پروگرام منعقد کروائیں گے اس موقعہ ڈائریکٹر یوتھ آفیرز عباس علی کھوسہ نے تقریب سے خطاب کرتے ہوئے کہا کہ نوجوانوں کی صلاحتوں کو اجاگر کرنے کیلے کوشاں ہیں ہماری کوشش ہے کہ بلوچستان کے دور دراز کے علاقوں میں یوتھ فیسٹیول منعقد کریں تاکہ ہماری یوتھ اپنے اندر چھپے ہوئے ٹیلنٹ کو اجاگر کرسکے۔

(جاری ہے)

اس موقع پر ڈپٹی کمشنر لورالائی میراں بلوچ،فرزند حاجی محمد خان طور اتمانخیل افضل خان اتمانخیل،رجسٹررلورالائی یونیورسٹی نصیب اللہ لانگو،پروائس چانسلر عادل زمان کاسی،سابق ڈپٹی ڈائریکٹر سپورٹس سید ظفر اللہ شاہ، ب*اسٹنٹ ڈائریکٹر یوتھ آفیر محمد مصطفے ،ڈویڑنل ایجوکیشن آفیسر سید کلیم اللہ شاہ،ڈسڑکٹ ایجوکیشن آفیسر عمران الحیسنی،ڈی ڈی او بہادر شاہ،ڈپٹی ڈسڑکٹ ایجوکیشن آفیسر آصف کدیزئی، ڈی او فیمیل فوزیہ درانی،سینئر صحافی میاں محمد طاہر بشیر آرائیں، محکمہ اطلاعات کے محمود بلوچ و دیگر حکام سمیت لورالائی یونیورسٹی مختلف اسکولوں اور کالجوں سے طلبہ و طالبات کی بہت بڑی تعداد موجود تھی۔

اپنے خطاب میں ڈائریکٹر یوتھ آفیرز عباس علی کھوسہ نے کہا کہ یوتھ فیسٹیول منعقد کرانے کا مقصد نوجوانوں کو مثبت سرگرمیاں فراہم کرنا ہے ہماری کوشش ہے کہ یوتھ کو مواقع دینا ہے نہ صرف ہمارا فوکس یوتھ فیسٹیول کی طرف ہے بلکہ کھیلوں کے بھی بھرپور مواقع فراہم کرنے کیلے کوشاں ہیں انہوں نے کہا کہ لورالائی میں انٹر اسکول سپورٹس فیسٹیول آگے منعقد کریں گے اس کے علاوہ دیگر اضلاع میں بھی کھیلوں کے فروغ کیلے اقدامات کریں گے انہوں نے یوتھ فیسٹیول کے کامیاب انعقاد پر ضلعی انتظامیہ، تمام شرکائ اور منتظمین کو مبارکباد پیش کی اور اس فیسٹیول کو کامیاب بنانے کیلئے تعاون کرنے پر تمام ادراوں کا شکریہ اداکیا۔

اس دو روزہ یوتھ فیسٹیول میں قرآت، ٹیبلوز، تقریر، ملی نغمے، مضمون نویسی، سائنس کی نمائش میں مختلف اسکولوں اور کالجوں کے طلبہ و طالبات نے حصہ لیا جبکہ آخری روز پینل ڈسکشن کا سیشن ہوا جس میں پینلسٹ نے یوتھ کے بہتر مستقبل کے موضوع پر گفتگو کی، فیسٹیول کے اختتام پر مہمان خصوصی نے مختلف مقابلوں میں پوزیشن حاصل کرنے والے طلبہ و طالبات میں کیش انعام، سرٹیفکیٹ اور لیپ ٹاپ تقسیم کئے۔