ڈپٹی کمشنرجھل مگسی کی زیر صدارت علاقے میں امن و امان کی صورتحال کو بہتر بنانے کے حوالے سے اجلاس

کوئٹہ (اُردو پوائنٹ اخبارتازہ ترین - اے پی پی۔ 20 مئی2024ء) ڈپٹی کمشنر جھل مگسی سید رحمت اللّہ شاہ کی زیر صدارت علاقے میں امن و امان کی صورتحال کو بہتر بنانے کے حوالے سے اجلاس منعقد ہوا۔اجلاس میں تحصیلدار گنداواہ ہادی بخش پہوڑ ،(رسالدار میجر) عبدالحکیم ابڑو و دیگر مختلف تھانہ جات کے ایس ایچ اوز ،تفتیشی آفیسران و چیک پوسٹس کے انچارج صاحبان نے شرکت کیں۔

اور اپنے اپنے متعلقہ ایریاز کی امن و امان کی صورتحال اور درپیش مسائل کے حوالے سے تفصیلی بریفنگ دیںڈپٹی کمشنر جھل مگسی سید رحمت اللّہ شاہ نے اجلاس کے شرکائ سے خطاب کرتے ہوئے کہا کہ تمام لیویز فورس کے آفیسران و اہلکاران امن و امان کی بحالی کیلئے ہمہ وقت چاک و چوبند و الرٹ رہ کر اپنی تمام تر توانائیاں صرف کریں اپنے اپنے متعلقہ تھانہ جات و چیک پوسٹس کی صفائی و ستھرائی کیساتھ اپنی حاضری کو بھی یقینی بنائیں فرائض منصبی کی ادائیگی میں کوتاہی و غفلت برتنے والے ملازمین کے خلاف سخت سے سخت کارروائی عمل میں لائی جائے گی انھوں نے کہا کہ کسی بھی علاقے میں چوری وڈکیتی کی واردات رونمائی ہوئی تو اسکی تمام تر ذمہ داری متعلقہ ایریا کے ایس ایچ او ودیگر اہلکاران پر عائد ہونگی۔

(جاری ہے)

۔ضلع کی عوام کی جان و مال کی حفاظت پر کوئی سمجھوتہ نہیں کیا جائے گا تمام لیویز فورس کے آفیسران و اہلکاران پر بھاری ذمہ داری عائد ہوتی ہے کہ وہ اپنے فرائض منصبی احسن طریقے سے سر انجام دے کر اپنے اپنے متعلقہ علاقے میں امن و امان کی صورتحال کو بہتر بنائیں۔ اور سائلین کے مسائل ترجیحی بنیادوں پر فوری طور پر حل کرنے کیلئے شب و روز کوشاں رہیں۔تمام شاہراہوں بالخصوص نوتال ٹو گنداواہ شاہراہِ پر موبائل گشت ، موٹر سائیکل پیٹرولنگ اور سنیپ چیکنگ جاری رکھیں جرائم پیشہ عناصر و اشتہاری ملزمان پر کڑی نظر رکھ کر انکے خلاف باضابطہ طور پر قانون کیمطابق کارروائی عمل میں لائی جائے تاکہ ضلع کے امن و امان کی صورتحال کو بہتر بنایا جاسکے۔