Munir Hussain
منیر حسین
بیک وقت اردو اور پنجابی فلموں میں کامیابی ملی
منگل 27 ستمبر 2022
وراسٹائل پلے بیک گلوکار منیر حسین کو مداحوں سے بچھڑے 27 برس بیت گئے۔وہ 27 ستمبر 1995ء کو راہی ملک عدم ہو گئے تھے۔اپنے انتہائی عروج کے دور میں سلیم رضا کے بعد وہ پاکستان کے دوسرے مقبول اور مصروف ترین فلمی گلوکار تھے،وہ پاکستان کے پہلے گلوکار تھے جنہیں بیک وقت اُردو اور پنجابی فلموں میں کامیابی ملی۔
ایک موسیقار گھرانے سے تعلق رکھنے والے منیر حسین کے سگے ماموں رشید عطرے پاکستان کے عظیم موسیقار تھے جبکہ ان کے خالہ زاد بھائی صفدر حسین بھی اعلیٰ پائے کے موسیقار تھے اس طرح پاکستان میں سب سے زیادہ فلموں کی موسیقی دینے والے موسیقار وجاہت عطرے ان کے ماموں زاد بھائی تھے۔منیر حسین کو اپنی پہلی ہی فلم ”سات لاکھ“ کے سدا بہار گیت ”قرار لوٹنے والے تو پیار کو ترسے“ کی ریکارڈنگ کے لئے ان کے ماموں رشید عطرے نے بڑی تیاری کروائی تھی،منیر حسین کا گیت ”دلاں ٹھہر جا یار دا نظارہ لین دے“ ان کی شہرت کا باعث بنا۔
(جاری ہے)
منیر حسین نے فنی زندگی کا آغاز فلم ”سات لاکھ“ سے کیا اور پہلے ہی نغمے ”قرار لوٹنے والے“ نے انہیں شہرت کی بلندیوں تک پہنچا دیا تھا۔موسیقار صفدر حسین نے انہیں فلمی دنیا میں متعارف کروایا جن کی فلم ”حاتم“ کے لئے انہوں نے نغمہ ”تیرے محلوں کی چھاؤں میں قرار اپنا لٹا بیٹھے“ گایا اور پہلے ہی نغمے نے انہیں شہرت کی بلندیوں تک پہنچا دیا۔اس کے بعد موسیقار رشید عطرے،خواجہ خورشید انور اور اے حمید نے ان کی آواز سے بھرپور فائدہ اُٹھایا۔
منیر حسین اور سلیم رضا نے 1950ء اور 1960ء کی دہائی میں پاکستان فلم انڈسٹری میں پلے بیک گلوکاری کے شعبے میں راج کیا۔اپنے 36 سالہ کیریئر کے دوران منیر حسین نے 163 فلموں کے لئے 217 گانے گائے جن میں اُردو کے علاوہ پنجابی گانے بھی شامل تھے۔ملکہ ترنم نور جہاں کے ساتھ ڈوئٹ ”اِک چیز گواچی“ بھی مقبول ہوا تھا جو پنجابی فلم ”نوراں“ میں شامل تھا۔منیر حسین کو اگرچہ شہرت فلم ”سات لاکھ“ کے گانوں سے ملی لیکن ”نوراں“ ان کی پہلی فلم تھی۔فلم ”مکھڑا“ کے لئے ”دلاں ٹھہر جا یار دا نظارا لین دے“ بھی ان کے مقبول ترین گانوں میں شامل ہے لیکن ملکہ ترنم نور جہاں کے ساتھ فلم ”ہیر رانجھا“ کیلئے ڈوئٹ ”ونجھلی والڑیا“ ان کا سدا بہار گیت ہے،اس گانے کو خواجہ رشید انور نے کمپوز کیا تھا احمد راہی اس شہر آفاق گیت کے خالق تھے۔
Browse More Articles of Music
امجد بوبی
Amjad Bobby
اسد امانت علی خان
Asad Amanat Ali Khan
مسرور انور
Masroor Anwar
گلوکارہ مالا
Singer Mala
اُستاد بدر میانداد خان قوال
Ustad Badar Miandad Khan Qawal
بخشی وزیر
Bakhshi Wazir
Famous Showbiz Stars
January Jones
Natalie Portman
Amitabh Bachchan
Vanessa Hudgens
Vivek obroy
Jessica Biel
Tim Burton
Annette Bening
Seth Rogen
Werner Herzog
Qandeel Baloch
Sushant Singh Rajput
Showbiz News In Urdu
-
ٹک ٹاک کوک اسٹوڈیو سیزن15 کے لیے آفیشل انٹرٹینمنٹ پارٹنر بن گیا
-
کامیڈی کنگ منورظریف کی48 ویں برسی29اپریل کو منائی جائے گی
-
پاکستانی فلم انڈسٹری کے معروف اداکار و فلمسازنعیم ہاشمی کی48ویں برسیآج منائی جائے گی
-
برصغیر کے نامور اردوڈرامہ نگارآغاحشر کاشمیری کی 89ویں برسی کل منائی جائے گی
-
الو ارجن نے اپنا معاوضہ 150 کروڑ کردیا، میڈیا پر قیا س آرائیاں
-
تمنا بھاٹیہ اور سنجے دت کو سائبر کرائم سیل نے طلب کر لیا
-
اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
-
جنسی زیادتی کا جرم،ہالی ووڈ فلم پروڈیوسر ہاروی وائنسٹین کی سزا منسوخ