راولپنڈی، اسلام آباد سمیت گلگت بلتستان اور کشمیر میں موسلادھار بارش کا امکان ہے،

موسلادھار بارش کے باعث مقامی دریائوں/برساتی نالوں میں طغیانی جبکہ نشیبی علاقے زیر آب آنے کا امکان ہے، اس دوران ہزارہ، مالاکنڈ ڈویژن، گلگلت بلتستان اور کشمیر کے پہاڑی علاقوں میں لینڈ سلائیڈنگ کا خدشہ ہے ، محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 08 اگست2019ء) راولپنڈی، اسلام آباد سمیت گلگت بلتستان اور کشمیر میں موسلادھار بارش کا امکان ہے، موسلادھار بارش کے باعث مقامی دریائوں/برساتی نالوں میں طغیانی جبکہ نشیبی علاقے زیر آب آنے کا امکان ہے، اس دوران ہزارہ، مالاکنڈ ڈویژن، گلگلت بلتستان اور کشمیر کے پہاڑی علاقوں میں لینڈ سلائیڈنگ کا خدشہ ہے۔

محکمہ موسمیات کے مطابق (آج) جمعہ کو میرپورخاص، ٹھٹھہ، حیدرآباد ، ڈی جی خان ڈویژن میں اکثر مقامات پر جبکہ سکھر، لاڑکانہ، کراچی، شہید بینظیرآباد، مالاکنڈ، ہزارہ، پشاور،کوہاٹ، مردان، بنوں، ڈی آئی خان، بہاولپور، راولپنڈی، گوجرانوالہ، لاہور ڈویژن اور اسلام آباد میں کہیں کہیں، کوئٹہ، سبی اور نصیر آباد ڈویژن میں چند مقامات پر تیز ہوائوں اور گرج چمک کے ساتھ بارش کا امکان ہے۔

(جاری ہے)

اس دوران ڈی جی خان، میر پور خاص، حیدر آباد اور ٹھٹھہ ڈویژن چند مقامات پر موسلادھار بارش کا بھی امکان ہے۔ (آج) جمعہ کو ہزارہ، مالاکنڈ، راولپنڈی، گوجرانوالہ، ڈی جی خان، ملتان ڈویژن اور کشمیر میں موسلادھار بارش کے باعث مقامی دریائوں/برساتی نالوں میں طغیانی کا خدشہ ہے۔ اس دوران پشاور، راولپنڈی،گوجرانوالہ، لاہور، سرگودہا، فیصل آباد ڈویژن کے نشیبی علاقے زیر آب آنے کا بھی امکان ہے۔

تیز بارشوں کے باعث ہزارہ، مالاکنڈ ڈویژن، گلگلت بلتستان اور کشمیر کے پہاڑی علاقوں میں لینڈ سلائیڈنگ کا بھی خدشہ ہے۔ گزشتہ 24 گھنٹوں کے دوران راولپنڈی، گوجرانوالہ، سرگودہا، ملتان، ڈی جی خان ڈویژن میں کہیں کہیں جبکہ ژوب، خضدار، پشاور، ہزارہ ڈویژن اور اسلام آباد میں چند مقامات پر تیز ہوائوں/آندھی اور گرج چمک کے ساتھ بارش کا امکان ہے۔

ملک کے دیگر علاقوں میں موسم گرم اور مر طوب رہا۔ سب سے زیادہ بارش کوٹ ادو 43، سرگودھا 12، ڈی جی خان11، منڈی بہائوالدین 10، حافظہ آباد 09، منگلہ، ملتان 07، گجرات، چکوال 03،گوجرانوالہ، جوہر آباد 02، مری01، کوٹلی16، راولاکوٹ05، مالم جبہ06، چراٹ 02، بلوچستان: بارکھان04، سبی میں 03 ملی میٹر بارش ریکارڈ کی گئی۔ جمعرات کو ملک میں زیادہ سے زیادہ درجہ حرارت دالبندین 47، نوکنڈی46، چلاس، سبی44 ڈگری سینٹی گریڈ ریکارڈ کیا گیا۔

Your Thoughts and Comments