Taqatwar Shikari Ka Almiya - Afsane By Tayyab Aziz Nasik

طاقتور شکاری کا المیہ (افسانے) - طیب عزیز ناسک

”طاقتور شکاری کا المیہ“ میرا پہلا افسانوی مجموعہ ہے۔میں نے کوشش کی ہے کہ قارئین تک اپنے اُن خیالات کو پہنچا سکوں جنہوں نے میرے ذہن میں پرورش پائی ہے۔
میرے یہ موضوعات بچوں کی طرح دماغ میں پلے بڑھے اور جوان ہوئے ہیں۔ اِن خیالات کی آبیاری مطالعہ کتب اوراِس سوسائٹی سے ہوئی ہے۔میں اپنے موضوعات کو ایسے ہی محسوس کرتا ہوں جیسے کوئی انسان اپنے اوپر بیتی خوشی یا غمی کو کو محسوس کرتا ہے۔میں نے ان کے ساتھ وقت گزارا ہے۔اب میں یہ ذمہ داری قارین پر چھوڑتا ہوں کہ وہ اِن افسانوں کا مطالعہ کس زاویہ نگاہ سے کرتے ہیں۔ کسی بھی لکھنے والے کی خواہش ہوتی ہے کہ اِس کو اچھا قاری میسر آئے جو کتاب کو پڑھے اور اُس کے فن کو سمجھنے کی کوشش کرے ۔ میں بھی اِس کا خواہشمند ہوں کہ مجھے اچھے قارئین میسر آئیں اور میرے افسانوں کو پڑھا اور سمجھا جائے۔
تخلیق کار جب اپنی کوئی تخلیق پیش کرتا ہے تو اس کے پیچھے ایک لمبا ذہنی سفر موجود ہوتا ہے۔ کسی بھی بات کو تسلیم یا رد کرنے سے پہلے علمی کاوشوں کو ضرور پیش نظر رکھنا چاہیے اور دیکھنا چاہیے کہ تخلیق کار اس کو پیش کرنے کی جسارت کیوں کر رہا ہے۔ اس عمل سے تحریر کو پرکھنے اور سمجھنے کا موقع ملتا ہے۔
طیب عزیز ناسک

Chapters / Baab of Taqatwar Shikari Ka Almiya - Afsane

قسط نمبر1 ۔ شکاری کا المیہ

قسط نمبر 2۔آخری جنازہ

قسط نمبر3۔گم لمحوں کا کھوجی

قسط نمبر4۔ ڈِنگ کھولے