شاہ رخ خان کی فلم بلو باربر13 فروری کو ریلیز ہو گی

جمعرات 4 دسمبر 2008 15:05

ممبئی(اردوپوائنٹ اخبا ر تازہ ترین04دسمبر2008 ) بالی وڈ کے کنگ شاہ رخ خان ان دنوں اپنی آنے والی فلم’ بلو باربر‘ کی تیاریوں میں مصروف ہیں جوکہ تکمیل کے مراحل پر ہے اور13 فروری 2009 کو نمائش کے لئے پیش کر دی جائے گی ۔پریا درشن فلم کی ہدایتکاری کے فرائض انجام دے رہے ہیں ۔فلم ’بلو باربر‘ ملائم کی فلم کدھا پریمبول پر بنائی جا رہی ہے جو کہ تامل زبان میں ’کوسیلن ‘کے نام سے بھی بنائی جا رہی ہے جس کے مرکزی کرداروں میں رجنی کانتھ اور پاسوپتھے شامل ہیں۔

(جاری ہے)

فلم بلو باربر کی کہانی دو دوستوں کے گرد گھومتی ہے جن میں سے ایک معمولی نائی ہوتا ہے جبکہ دوسرا دوست بہت بڑا سپر اسٹار ہوتا ہے۔اس فلم میں عرفان خان بلو کا مرکزی کردارجبکہ شاہ رخ ساحل خان نامی سپر اسٹار کا کردار ادا کرتے نظر آئیں گے اورلارا دتہ عرفان خان کی بیوی کے کردار ادا کر رہی ہیں۔ فلم کے پروڈیوسر شار رخ خان ہیں موسیقی پریتم اور گلزار نے ترتیب دی ہے۔بلو باربر کی دیگر کاسٹ میں اوم پوری،پریش راول،راج پال یادو،منوج جوشی ،اسرانی شامل ہیں جبکہ کرینا کپور ،دیپیکا پدوکون اور پریانیکا چوپڑا فلم میں خصوصی طور پر جلوہ گر ہوں گی۔

Facebook Twitter Google + Share on Whatsapp

شاہ رخ خان کی فلم بلو باربر13 فروری کو ریلیز ہو گی

متعلقہ عنوان :

مزید فن و فنکار کی خبریں