لاہور پولیس کا کارنامہ، 9 ماہ کے بچے پرقاتلانہ حملے کا مقدمہ بنادیا
جمعرات 3 اپریل 2014 15:06
لاہور(اُردو پوائنٹ تازہ ترین اخبار۔ 3اپریل 2014ء) لاہورپولیس کاایک اورکارنامہ،صرف9ماہ کے بچے پر پولیس پرقاتلانہ حملے کامقدمہ درج کرلیا۔ملزم اپنے دادا کی گودمیں بیٹھ کر عدالت میں پیش ہواتو اس کا ہتھیار فیڈر بھی اس کے پاس تھا۔عدالت نے ضمانت تو منظور کر لی مگر جب ضمانت نامے پر انگوٹھے لگانے کاوقت آیا تو معصوم رونے لگ گیا۔لاہورکارہائشی9ماہ کاموسیٰ خان،جس نے ابھی چلنا بھی نہیں سیکھا۔مسلم ٹاوٴن پولیس نے اس کے خلاف پتھراوٴ اور ساتھیوں سے مل کر پولیس کو قتل کرنے کی کوشش کا مقدمہ درج کرلیا ۔ایف آئی آر کے مطابق پولیس نے یکم فروری کوسوئی گیس عملے کے ساتھ ریڈ کیا توبچے نے حملہ کر دیا۔ آج ایڈیشنل سیشن جج رفاقت علی کی عدالت میں بچے کی پیشی تھی۔
(جاری ہے)
معصوم اپنے دادا یسیٰن کی گود میں عدالت میں پیشی پرآیا تو اس کا ہتھیاردودھ سے لوڈڈ فیڈر اس کے منہ میں تھا۔
ہر کوئی ملزم کو دیکھ کر ششدراور اس کاجرم سن کر حیران رہ گیا۔ڈیوٹی مجسٹریٹ نے بچے کی ضمانت تو منظورکر لی۔مگر ضمانت نامے پر انگوٹھے لگانے کا وقت آیا تو عدالت"انصاف اندھا ہوتاہے "کے مصداق خاموش اور ملزم ،جس کا انگوٹھا پکڑ کر پہلے سیاہی میں ڈبویا گیااور پھر کاغذ پر ثبت کیا گیا۔یہ سب برداشت نہ کر تے ہوئے رونے لگا۔دادانے لاچارگی کے عالم میں فیڈر دوبارہ اس کے منہ میں دے دیا۔خبرمیڈیا پر چلی تو اعلیٰ پولیس حکام اور حکومت کو بھی ہوش آیا۔مقدمہ درج کرنے والا تھانیدارکاشف کو معطل کردیا گیا۔ڈی آئی جی آپریشن رانا عبدالجبار نے ایس پی اقبال ٹاوٴن سے24گھنٹوں میں رپورٹ بھی مانگ لی۔صوبائی وزیر برائے انسانی حقوق و اقلیتی امور خلیل طاہر سندھونے بھی انسانی حقوق کی خلاف ورزی کا نوٹس لے لیا۔مزید اہم خبریں
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
-
سعودی عرب میں اکنامک سمٹ، اسرائیل حماس جنگ روکنے کی ایک اور کوشش؟
-
مرغی کے گوشت کی قیمت میں 200 روپے تک کمی کا امکان
-
پاکستان نیوزی لینڈ کرکٹ سیریز، پولیس کا گیمبلنگ میں ملوث عناصر کیخلاف کریک ڈاؤن
-
پی ٹی آئی اور سنی اتحاد کونسل فوج کو سیاست میں مداخلت کی دعوت دے رہے ہیں
-
عاصمہ جہانگیر کانفرنس میں جرمن سفیر کی تقریر کے دوران طالب علموں کے فلسطین کی آزادی کے حق میں نعرے
-
عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی
-
چیف جسٹس اگر انصاف فراہم نہیں کرسکتے تو کرسی سے اتر جائیں، پی ٹی آئی کا مطالبہ
-
مسجد کے باہرسے چوری ، وزیراعلیٰ مریم نوازکے حکم پر بزرگ شہری کو نئی سائیکل دلوا دی گئی
-
چینی شہریوں کی حفاظت ہماری قومی ذمہ داری ہے‘ وزیر داخلہ کی چینی قونصل جنرل سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.