سابق صدر پرویزمشرف ڈیفنس کراچی میں اپنی صاحبزادی کے گھر منتقل ہوگئے
ہفتہ 19 اپریل 2014 22:25
کراچی(اُردو پوائنٹ اخبار تازہ ترین۔19اپریل۔2014ء) سابق صدر جنرل ریٹائرڈ پرویز مشرف علاج کی غرض سے اسلام آباد سے کراچی پہنچ گئے جہاں وہ اپنی صاحبزادی کے گھر ڈیفنس میں منتقل ہوگئے۔نجی ٹی وی کے مطابق سابق صدر پرویز مشرف علاج کی غرض سے اسلام آباد سے کراچی اپنی صاحبزادی کے گھر زمزمہ ولاز پہنچ گئے، اسلام آباد میں پرویز مشرف کو ان کے فارم ہاؤس چک شہزاد سے انتہائی سخت سیکیورٹی میں بے نظیر انٹرنیشنل ایئرپورٹ لایا گیا جہاں وہ خصوصی طیارے کے ذریعے کراچی کے لئے روانہ ہوئے۔
سابق صدر پرویز مشرف کا طیارہ جب کراچی ایئرپورٹ پر اترا تو وہاں سیکیورٹی کے انتہائی سخت انتظامات کیےگئے تھے، سابق صدر کے طیارے نے جناح ایئرپورٹ کے ٹرمینل ون پر لینڈ کیا جہاں سے وہ انتہائی سخت سیکیورٹی میں اپنی صاحبزادی کے گھر زمزمہ ولاز جنرل کالونی روانہ ہوئے۔(جاری ہے)
پرویز مشرف بم پروف گاڑی میں کراچی ایئرپورٹ سے روانہ ہوئے اور ان کی سیکیورٹی کے لیے مزید 4 بکتربند گاڑیاں بھی فراہم کی گئی تھیں۔
پرویز مشرف کی کراچی آمد کے موقع سیکیورٹی خدشات کے پیش نظر ایئرپورٹ سے زمزمہ تک کے راستے میں ایک ہزار سیکیورٹی اہلکار تعینات تھے جن میں رینجرز پولیس اور ٹریفک پولیس کے اہلکار شامل تھے۔سابق صدر کی ایئرپورٹ سے روانگی کے موقع پر شارع فیصل کو عام ٹریفک کے لیے بند کردیا گیا تھا جبکہ شارع فیصل پر موجود تمام پیٹرول پمپس اور دیگر ملحقہ سڑکوں کو بھی بند کیا گیا تھا۔ پرویز مشرف کی قیام گاہ زمزمہ جنرل کالونی میں بھی سیکیورٹی کے انتہائی سخت انتظامات کیے گئے ہیں جہاں پولیس اور رینجرز کی بھاری نفری تعینات ہے اور ان کی رہائش گاہ کے قریب خیابان توحیدکو بھی کنٹینر لگا کر بلا ک کردیاگیا ہے۔واضح رہے کہ پرویز مشرف دل کی تکلیف کے باعث 3 ماہ راولپنڈی کے آرمڈ انسٹیٹیوٹ آف کارڈیالوجی (اے ایف آئی سی) میں زیر علاج رہنے کے بعد چند روز قبل ہی اپنے اسلام آباد میں فارم ہاؤس چک شہزاد منتقل ہوئے تھے۔ اب سابق صدر کراچی میں نیول اسپتال پی این ایس شفاء میں اپنا علاج کرائیں گےمتعلقہ عنوان :
مزید اہم خبریں
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.