ضرب عضب کے3 ہفتے ،سینکڑوں دہشت گرد ہلاک، پاک فوج کی عملداری
پیر 7 جولائی 2014 14:39
میران شاہ(اُردو پوائنٹ تازہ ترین اخبار۔7جولائی 2014ء) شمالی وزیرستان میں آپریشن ضرب عضب کامیابی کے ساتھ آگے بڑھ رہاہے۔ تین ہفتوں سے جاری کارروائیوں میں چار سو کے قریب دہشت گردوں کو ہلاک کرکے ان کے درجنوں ٹھکانے تباہ کیے جاچکے ہیں۔ دوسری جانب ساڑھے سات لاکھ افراد کی نقل مکانی کے بعدعلاقے سے آبادی کا انخلا تقریباً مکمل ہوچکا ہے۔ شمالی وزیرستان میں موجود ملکی اور غیر ملکی دہشت گردوں کے خلاف فیصلہ کن کارروائی جسے ضرب عضب کا نام دیا گیا۔
15 جون کوباقاعدہ طور پر شروع ہوئی جبکہ اس سے ایک روز پہلے ٹارگٹڈ کارروائی میں بھی درجنوں دہشت گردوں کو ہلاک کیا گیا تھا۔ ابتدائی دنوں میں علاقے میں کرفیو لگاکر مخصوص اہداف پر محض فضائی کارروائیاں کی گئیں۔ جس میں ساڑھے تین سو سے زائد دہشت گردوں کا صفایا ہوا۔(جاری ہے)
علاقے سے آبادی کے انخلا کے بعد 30 جون سے میران شاہ میں زمینی کارروائی شروع ہوئی تو فورسز کو اہم کامیابیاں ملیں۔
دہشت گردوں کیتربیتی مراکز اور بم بنانے کی دو فیکٹریاں پکڑی گئیں جہاں سے بارودی مواد اور دو سو کے قریب سلینڈر ملے جنہیں سڑکوں پر نصب کرکے فورسز کو نشانہ بنانا تھا۔ بارودی سرنگوں اور دھماکا خیزمواد کے باعث فورسز نے آہستہ آہستہ پیش قدمی کی اور میران شاہ سمیت ملحقہ علاقوں کو کلیر کرتے آگے بڑھتے گئے۔ فورسز شمالی وزیرستان کے صدر مقام کا تقریبا ً چالیس فی صد سے زائد علاقے پر مکمل کنٹرول حاصل کرچکی ہیں۔ ضرب عضب میں اب تک چار سو کے قریب دہشت گردوں کا خاتمہ کیا جاچکا ہے ، جبکہ اس کارروائی میں بیس کے قریب جوانوں نے اپنی جانوں کا نذرانہ دیا ہے۔ دوسری جانب ایجنسی سے نقل مکانی کرنے والے متاثرین کی تعداد ساڑھے سات لاکھ تک پہنچ چکی ہے۔ جو پناہ کی تلاش میں خیبرپختونخوا کے شہروں سمیت ملک کے مختلف شہروں کا رخ کررہے ہیں۔ نقل مکانی کرنے والوں کوفوج وفاقی اور خیبرپختونخوا حکومت کی جانب امداد فراہم کی جارہی ہے۔ تاہم ان کی کثیر تعداد کی وجہ سے بہت سی مشکلات کا بھی سامنا ہے۔مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.