چائلڈ و بانڈڈ لیبر کے خاتمے ، بحالی پروگرام کیلئے5159 ملین روپے کا سات سالہ منصوبہ شروع کر دیا گیا‘ راجہ اشفاق سرور
بدھ 23 جولائی 2014 16:52
لاہور( اُردو پوائنٹ اخبار تازہ ترین۔23جولائی۔2014ء)صوبائی وزیر محنت و انسانی وسائل راجہ اشفاق سرور نے کہا ہے کہ صنعتی کارکنوں اور ورکرزکو ان کے اہل خانہ سمیت تعلیم ، صحت اور دیگر سہولیات کی فراہمی یقینی بنانے کے لئے حکومت پنجاب مختلف منصوبوں پر عمل پیرا ہے- مزدوروں کے بچوں کو مفت تعلیم اور اہل خانہ کے لئے صحت کی سٹیٹ آف دی آرٹ سہولیات کی فراہمی حکومت پنجاب کے ایجنڈے میں سرفہرست ہے - انہوں نے یہ بات اس حوالے سے منعقدہ جائزہ اجلاس کی صدارت کرتے ہوئے کہی -کمشنر سوشل سیکورٹی پنجاب عشرت علی اور محکمہ لیبر کے دیگر اعلی افسران نے اجلاس میں شرکت کی-صوبائی وزیر محنت نے کہا کہ مزدوروں کے لئے صوبہ بھر کے تمام اضلاع کے سوشل سیکورٹی ہسپتالوں میں جدید علاج معالجے اور ورکرز ویلفیئر بورڈ کے تعلیمی اداروں میں بچوں کے لئے تعلیمی سہولیات کی فراہمی پر خصوصی توجہ دی جا رہی ہے - انہوں نے بتایا کہ صنعتی کارکنوں اور مزدوروں کو سوشل سیکورٹی سہولیات کے دائرہ کار میں لانے کے لئے اب تک پنجاب بھر کے ساڑھے آٹھ لاکھ سے زائد ورکرز کو رجسٹرڈ کیا جا چکا ہے جبکہ اس سال 40 ہزار سے زائد ورکرز رجسٹرڈ کئے گئے-اجلاس کو بتایاگیا کہ حکومت پنجاب نے سات سالہ مدت پر محیط پراجیکٹ کے تحت چائلڈ و بانڈڈلیبر کے خاتمے اورکم وسیلہ خاندانوں کی بحالی کے لئے 5159 ملین روپے کی خطیر رقم رکھی ہے -راجہ اشفاق سرور نے بتایا کہ ورکرز کے 3 لاکھ 75 ہزار سے زائد بچوں کو ورکرز ویلفیئر بورڈ کے سکولوں میں مفت تعلیم اور یونیفارم فراہم کئے جا رہے ہیں،بھٹہ مزدوروں کے بچوں کو پرائمری تک مفت نان فارمل ایجوکیشن بھی بھٹوں پر دی جا رہی ہے جبکہ بالغ افراد کے لئے بھی بنیادی تعلیم کی فراہمی کے پروگرام بھی شروع کئے گئے ہیں - انہوں نے بتایا کہ ایک لاکھ سے زائد ورکرز کو معاشی طور پر بااختیار بنانے کے لئے سکلڈ ٹریننگ پروگرام شروع کئے گئے ہیں جبکہ 53 ہزار سے زائد بھٹہ مزدوروں کو قومی شناختی کارڈ بنوا کر دیئے گئے ہیں تا کہ وہ ان کے ذریعے سوشل سیکورٹی کارڈ کی سہولت سے استفادہ کر سکیں- انہوں نے بتایا کہ مزدوروں کے لئے آکوپیشنل سیفٹی یقینی بنانے کے لئے جدید معیار کی ”انسپکشن کٹس“ کی تقسیم کے پروگرام کا بھی آغازکر دیا گیا ہے جبکہ مزدروں کو استحصال سے بچانے اور ان کے حقوق کے تحفظ کے لئے فرسودہ لیبر قوانین میں ترمیم بھی کی جا رہی ہے - اجلاس کو بتایا گیا کہ مختلف شہروں میں چلڈرن اینڈ گائنی سنٹرز کی سہولیات کی فراہمی کو بھی حتمی شکل دی جار ہی ہے تا کہ کم آمدنی والے افراد علاج معالجے کی بہترین سہولیات سے گھر کی دہلیز پر مستفید ہو سکیں -
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.