پنجاب ایجوکیشن فاؤنڈیشن 50ہزار بچوں کو میٹرک تک مفت تعلیم کی سہولت مہیا کریگی

جمعرات 28 اگست 2014 19:48

لاہور(اُردو پوائنٹ اخبار تازہ ترین۔28اگست۔2014ء ) پنجاب ایجوکیشن فاؤنڈیشن 50ہزارآؤٹ آف سکول اور ڈراپ آؤٹ بچوں کو میٹرک تک مفت تعلیم کی سہولت مہیا کرے گی ۔ اس حوالے سے ڈیر ہ غازی خان ، راجن پور اور مظفر گڑھ کے 96نجی سکولوں کے ساتھ معائدہ شراکت طے پا گیا ہے ۔

(جاری ہے)

پنجاب ایجوکیشن فاؤنڈیشن کے ساتھ ایجوکیشن وؤچر سکیم میں توسیع کے بارویں مرحلے میں الحاق کرنے والے یہ سکول آؤٹ آف سکول اور ڈراپ آؤٹ طالب علموں کو مفت تعلیم کی سہولت مہیا کریں گے ۔

ان سکولوں کے ساتھ معائدہ شراکت پر دستخط کی تقریب پنجاب ایجوکیشن فاؤنڈیشن کے علاقائی دفتر ملتان میں منعقد ہوئی ۔ ریجنل ڈائریکٹر شفیق احمد نے تقریب کی صدارت کی اور نئے پارٹنرز کو پنجاب ایجوکیشن فاؤنڈیشن کے مفت تعلیم کے منصوبوں کی افادیت سے آگاہ کیا ۔