مظفر گڑھ اور رحیم یار خان کی مزید بستیاں زیر آب، ہیڈ پنجند پر پانی کے بہاؤ میں اضافہ
پیر 15 ستمبر 2014 11:35
ملتان(اُردو پوائنٹ اخبار تازہ ترین۔15ستمبر 2014ء) دریائے چناب کا سیلابی ریلا ملتان اور مظفر گڑھ میں تباہی مچانے کے بعد پنجند ہیڈ ورکس کی جانب بڑھ رہا ہے جہاں پانی کے بہاؤ میں بتدریج اضافہ ہورہا ہے۔ فلڈ فور کاسٹنگ ڈویژن کے مطابق منگلا ڈیم میں پانی کی آمد اور اخراج 79 ہزار 979 جبکہ منگلا ڈیم میں پانی کی کا ذخیرہ اس کی انتہائی سطح ایک ہزار 242 فٹ ہے، اس طرح منگلا ڈیم میں قابل استعمال پانی کا ذخیرہ 73 لاکھ 92 ہزار ایکڑ فٹ ہوگیا ہے۔
تربیلاڈیم میں پانی کی آمد 84 ہزار 300 اور اخراج 54 ہزار 700 کیوسک ہے اور پانی کی سطح ایک ہزار 547 فٹ ہے جو اس کی انتہائی سطح سے صرف 3 فٹ کم ہے اور ڈیم میں قابل استعمال پانی کا ذخیرہ 62 لاکھ 99 ہزار ایکڑ فٹ ہے۔ دریائے چناب میں تریموں پنجند میں اونچے اور تریموں پر نچلے درجے کا سیلاب ہے، تریموں کے مقام پر میں پانی کا بہاؤ ایک لاکھ 53 ہزار728 کیوسک جبکہ پنجند میں پانی کی آمد اور اخراج 3 لاکھ 79 ہزار562 کیوسک ہے۔(جاری ہے)
ملتان اور مظفر گڑھ میں دریائے چناب کا سیلابی ریلا تباہی مچاتا ہوا پنجند ہیڈ ورکس کی جانب بڑھ رہا ہے۔ گزشتہ روز مظفر گڑھ شہر کو بچانے کے لئے دوآبہ بند میں ڈالے گئے 2 شگافوں کی وجہ سے اب تک 50 ہزار سے زائد لوگ متاثر ہوچکے ہیں۔ دو آبہ بند توڑنے سے نکلنے والا پانی واپس دریائے چناب میں شامل کرنے کے لئے چک روہاڑی بند کو توڑا گیا تھا لیکن پانی وہاں سے واپس دریائے چناب میں جانے کے بجائے اسی بند سے نکلنے والا پانی ایک درجن سے زائد دیہات زیر آب آگئے ہیں۔
ملتان کی کچھ بستیوں سے سلابی پانی کی سطح بتدریج کم ہونا شروع ہوگئی ہے لیکن شیر شاہ بند پر پانی کا دباؤ برقرار ہے۔ شہر اور کینٹ کو بچانے کے لئے ڈالے والے شگاف کی وجہ سے پانی ضلع ملتان کی شجاع آباد اور جلال پور پیر والا تحصیل کو شدید متاثر کررہا ہے۔ اوچ شریف میں زمیندارہ بند ٹوٹنے سے سیلابی ریلا نشیبی علاقوں میں داخل ہوگیا ہے جس کے بعد لوگوں نے نقل مکانی شروع کردی ہے۔ رحیم یار خان میں دریائے چناب کا سیلابی ریلا بانہ رویہ، نور والا اور بیٹ ظاہرپیر میں داخل ہونے سے درجنوں بستیاں اور گھر زیرآب آگئے ہیں۔دوسری جانب سیلاب زدہ علاقوں میں صوبائی حکومت، نیشنل ڈیزازسٹر منیجمنٹ، پاک فوج اور دیگر سرکاری ادارے اور غیر سرکاری فلاحی تنظیمیں سیلاب سے متاثرہ افراد کی مشکلات میں کمی کے لئے امدادی کاموں میں بھی مصروف ہیں۔
متعلقہ عنوان :
مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.