چین کی عدالت نے رشوت لین دین پر برطانیہ کی بڑی دوا ساز کمپنی گلیکسو سمتھ کلین کو 49 کروڑ ڈالر جرمانہ کر دیا
ہفتہ 20 ستمبر 2014 17:27
بیجنگ (اُردو پوائنٹ اخبار تازہ ترین۔20ستمبر۔2014ء) چین کی ایک عدالت نے برطانیہ کی ایک بڑی دوا ساز کمپنی گلیکسو سمتھ کلین کو 49 کروڑ ڈالر جرمانہ جب کہ چین میں اس کے سابق اعلیٰ عہدیدار اور دیگر کو قید کی سزائیں سنائی ہیں، پولیس کا الزام تھا کہ اس کمپنی کے ملک میں سربراہ مارک ریلے نے اپنے ملازمین کو حکم دیا کہ وہ غیر قانونی طور پر منافع حاصل کرنے کے لیے ہسپتالوں اور ڈاکٹروں کو رشوت دیں تاکہ وہ ان کی مصنوعات استعمال کریں۔
چین کی سرکاری خبر رساں ایجنسی کے مطابق چین کے وسطی صوبے ہونان میں چانگشا کی عدالت نے یہ فیصلہ سنایا۔ عدالت نے ریلے اور دیگر عہدیداروں کو دو سے چار سال تک قید کی سزائیں سنائیں۔ کسی بھی چینی عدالت کی طرف سے عائد کیا جانے والا یہ سب سے بڑا جرمانہ ہے۔(جاری ہے)
خبررساں ایجنسی رائٹرز نے اس مقدمے سے واقفیت رکھنے والے ایک عہدیدار کے حوالے سے بتایا کہ ریلے کو چین میں قید نہیں کیا جائے گا بلکہ انھیں ملک بدر کر دیا جائے گا۔
پولیس حکام کا کہنا ہے کہ اس کمپنی نے تین ارب یوان غیر قانونی منافع کمایا جو کہ اتنی ہی رقم کے برابر بنتی ہے جو عدالت کی طرف سے جرمانے کے طور پر عائد کی گئی ہے۔ گلیکسوسمتھ کلین کمپنی کا کہنا تھا کہ چین میں ان کے ادارے کی طرف سے ہونے والی سرگرمیاں اس کے قواعد و ضوابط کی خلاف ورزی ہے۔مزید تجارتی خبریں
-
پاکستان میں موبائل فون کی درآمد میں بڑا اضافہ ہوگیا
-
سونے کی قیمتوں میں کمی کا رجحان
-
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی اور انڈیکس 72ہزار پوائنٹس کی سطح سے نیچے گر گیا جبکہ 100انڈیکس میں 1ہزار پوائنٹس سے زاید کی کمی دیکھنے ..
-
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
-
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
-
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا کی سفیر سے گفتگو
-
عالمی اور مقامی مارکیٹ میں سونے کی قیمت میں معمولی کمی
-
ملک میں سیمنٹ کی ریٹیل قیمتوں میں ایک ہفتے کے دوران استحکام رہا
-
برائلر گوشت کی قیمت میں15روپے کلو اضافہ
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.