سندھ میں تعلیم کے لئے سہولیات ناپید ہوتی جارہی ہیں،
دیہات میں اسکولوں کے مسائل اپنی جگہ شہری علاقوں کے اسکول بھی اب کھنڈر بن چکے
ہفتہ 20 ستمبر 2014 18:32
سجاول (اُردو پوائنٹ اخبار تازہ ترین۔20ستمبر 2014ء) سندھ میں تعلیم کے لئے سہولیات ناپید ہوتی جارہی ہیں، دیہات میں اسکولوں کے مسائل اپنی جگہ لیکن شہری علاقوں کے اسکول بھی اب کھنڈر بن چکے ہیں اور ان کی عمارتوں کی معمولی مرمت نہ ہونے سے جھونپڑے اسکول قائم ہوگئے ہیں، جہاں کا ماحول حکومت کی مفلوک الحالی کے ثبوت ہیں، جبکہ غریب عوام کے امیر حکمرانوں کے ایک روزہ پروٹوکول خرچہ سے ایک اسکول مستقل طور آباد ہوسکتاہے ،حکومتی اعداد کے مطابق لاکھوں بچے اسکولوں سے باہر ہیں ، کیوں ہیں ،یہ وجہ نہیں بتائی جارہی ، اور وجہ یہ ہے کہ سہولیات نہیں ہیں ،نئی عمارتیں نہیں بن رہیں،جبکہ پرانی عمارتیں زبوں بن کر تباہ ہوگئی ہیں، اور وہ خالی کراکے اسکول کچی جھونپڑیوں میں شفٹ کئے جارہے ہیں، ایسے ماحول میں بچے اسکول جانے سے محروم رہ جاتے ہیں،سہولیات نہ ہونے سے اسکول جانے سے کتراتے ہیں،سجاول میں نواحی علاقے کے اسکول پکاشیڈ میں بھی سینکڑوں بچے کچا شیڈ میں منتقل ہوگئے ہیں ،اسکول کی عمارت کی زبوں حالی پر سیشن جج کے حکم پر فوری طور پر عمارت کو خالی کیاگیا،اور فوری طور پر اسکول کی عمارت تعمیر کرنے کے احکامات جاری کئے گئے تاہم ایک سال کے دوران بھی پوری سندہ حکومت اور ملکی و غیرملکی تعلیم دوست ادارے ایک اسکول کی تعمیر کے لئے فنڈز مہیانہ کرسکے ،مقامی دیہاتی اسماعیل خاصخیلی ،نورمحمد، اور دیگر نے بتایاکہ اسکول پکا شیڈ کی عمارت کو خالی کرانے پر انہوں نے اپنی زمین میں عارضی جھونپڑی قائم کرکے اسکول کو رواں رکھا، تاھم ایک سال تک ایک چھپر تلے قائم اسکول میں دیگر مسائل پیدا ہونے سے بچوں میں دلچسپی ختم ہوکر رہ گئی ہے اور بچوں نے بھی اسکول کا رخ کرنا چھوڑ دیاہے، اسکول کے اساتذہ کا کہنا ہے اسکول کی چھت تیز ہوا سے اڑجاتی ہے جس کو سمیٹنے میں انہیں پریشانی کا سامنہ ہے جبکہ دیگر مسائل سب کے سامنے ہیں انہوں نے بتایاکہ متعلقہ افسران کے علاوہ ڈی سی سجاول شوکت حسین جوکھیونے بھی اسکول کا وزٹ کرکے سیکریٹری ایجوکیشن کو فوری طور عمارت مہیاکرنے کی رپورٹ ارسال کی ہے تاہم ابھی تک کوئی کاروائی نہ ہوسکی ہے، اسکول کی خالی کھنڈر عمارت پورے علاقے کے لئے خطرہ ہے گوکہ اسکول کو قریب ہی عارضی جھونپڑی میں منتقل کیاگیاہے تاہم فارغ اوقات میں بچے اس عمات میں گھومتے ہیں جس سے کسی وقت بھی حادثہ ہوسکتاہے ،انہوں نے پکاشیڈ اسکول کی عمارت کو فوری طور پر منہدم کرکے نئی عمارت قائم کرنے کی اپیل کی ہے۔
مزید تجارتی خبریں
-
پاکستان میں موبائل فون کی درآمد میں بڑا اضافہ ہوگیا
-
سونے کی قیمتوں میں کمی کا رجحان
-
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی اور انڈیکس 72ہزار پوائنٹس کی سطح سے نیچے گر گیا جبکہ 100انڈیکس میں 1ہزار پوائنٹس سے زاید کی کمی دیکھنے ..
-
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
-
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
-
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا کی سفیر سے گفتگو
-
عالمی اور مقامی مارکیٹ میں سونے کی قیمت میں معمولی کمی
-
ملک میں سیمنٹ کی ریٹیل قیمتوں میں ایک ہفتے کے دوران استحکام رہا
-
برائلر گوشت کی قیمت میں15روپے کلو اضافہ
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.