سرکاری محکموں میں ملازمتیں کھول دی گئیں اب نوکریوں کا کاروبار ہو گا، طاہرالقادری،
ہر ایم این اے کوکوٹہ دیاجائیگا ،جس دن قوم حق چھیننے کے لئے آئے گی یہ حکومت بچ نہیں سکے گی
منگل 23 ستمبر 2014 21:52
اسلام آباد(اُردو پوائنٹ اخبار تازہ ترین۔23ستمبر۔2014ء ) پاکستان عوامی تحریک کے سربراہ ڈاکٹر علامہ طاہر القادری نے کہا ہے کہ پاکستان کا بچہ بچہ ’گو نواز گو‘ کا نعرہ لگا رہا ہے اور وزیر اعظم اقوام متحدہ کے اجلاس سے خطاب کے لئے امریکہ جا رہے ہیں،امریکہ میں موجود تمام پاکستانی بھی نیویارک میں اقوام متحدہ کی جنرل اسمبلی کے باہر جمع ہو کر ’گو نواز گو‘ کے نعرے لگائیں اور ثابت کر دیں کہ ہم نوازشریف کو وزیر اعظم نہیں مانتے ، سرکاری محکموں میں ملازمتیں کھول دی گئیں اب ملازمتوں کا کاروبار ہو گا، ہر ایم این اے کو ملازمتیں بیچنے کا موقع دیا گیا کہ کہیں وہ پارٹی ہی نہ چھوڑ جائے ،جس دن قوم حق چھیننے کے لئے آئے گی یہ حکومت بچ نہیں سکے گی، حکومت نے تسلیم کیا کہ بجلی کے بل زیادہ بھیجے گئے ، فیصل آباد میں ایک شخص نے اپنا خون بیچ کر بجلی کا بل ادا کیالیکن کابینہ نے ذمہ داری پر استعفیٰ نہیں دیا، سیلاب متاثرین کی مدد کرنے کا ایک حکومتی ڈرامہ رچایا جا رہا ہے، سیلاب سے متاثر ہونے والوں کو ان کے نقصان کے بدلے فی خاندان صرف 25ہزار روپے امداد دی جا رہی ہے، یہ حکومت کہتی ہے کہ ہمیں عوامی مینڈیٹ ملا ہے مگر پارلیمنٹ میں عوام کے مسائل پر بات تک نہیں ہوتی، اس ملک میں عوام پر افغانستان اور بنگلہ دیش سے بھی کم خرچہ کیا جاتا ہے،ملک میں اپوزیشن بھی حکومت سے بدتر ہے یہاں ایک دوسرے کا ساتھ دے کر ملک دشمنی اور عوام دشمنی کی جاتی ہے، حکمرانوں کا ایجنڈا صرف کرپشن ہے یہ نہ تعلیم پر خرچ کرتے ہیں اور نہ صحت پر جبکہ غریبوں کا پیسہ کرپٹ ارکان اسمبلی کو دے دیا گیا ہے ،منگل کویہاں انقلاب مارچ کے دھرنے کے شرکاء سے خطاب کرتے ہوئے پاکستان عوامی تحریک کے سربراہ ڈاکٹرعلامہ طاہرالقادری نے کہاکہ ہمارے انقلابی شرکاء نے دھرنے کو اپنا گھر سمجھ لیا ہے، جیل سے رہا ہونے والے کارکنان گھروں کو نہیں گئے بلکہ انقلاب مارچ میں واپس آ گئے، انہوں نے کہا کہ ظالم حکمرانوں نے چھوٹے چھوٹے بچوں کو بھی گرفتار کر لیا اور ان پر تشدد بھی کیاحالانکہ دنیا کا کوئی قانون بھی ان کو سزا نہیں دیتا، اس عمر میں بچوں کو اپنے حقوق اور انقلاب کی آگاہی نہیں تھی مگر حکمرانوں کے ظلم نے ان کو حساس بنا دیا ہے یہی وجہ ہے کہ اب ان حکمرانوں کا گھر جانا ٹھہر چکا ہے،انہوں نے کہا کہ پاکستان کا بچہ بچہ ’گو نواز گو‘ کا نعرہ لگا رہا ہے اور وزیر اعظم اقوام متحدہ کے اجلاس سے خطاب کے لئے امریکہ جا رہے ہیں اس لیے امریکہ میں موجود تمام پاکستانی اقوام متحدہ کے دفترکے باہر اور ائیرپورٹ پر بھی جمع ہو کر ’گو نواز گو‘ کے نعرے لگائیں اور ثابت کر دیں کہ ہم اس شخص کو وزیر اعظم نہیں مانتے،علامہ طاہرالقادری نے کہا کہ حکومت نے تسلیم کیا کہ بجلی کے بل زیادہ بھیجے گئے ، فیصل آباد میں ایک شخص نے آج اپنا خون بیچ کر بجلی کا بل ادا کیالیکن کابینہ نے ذمہ داری پر استعفیٰ نہیں دیا، ان کا کہناتھا کہ سرکاری محکموں میں ملازمتیں کھول دی گئیں ہیں اور اب ملازمتوں کا کاروبار ہو گا، ہر ایم این اے کو ملازمتیں بیچنے کا موقع دیا گیا کہ کہیں وہ پارٹی ہی نہ چھوڑ جائے، انہوں نے شرکاء کو بتایا کہ سیلاب متاثرین کی مدد کرنے کا ایک حکومتی ڈرامہ رچایا جا رہا ہے، سیلاب سے متاثر ہونے والوں کو ان کے نقصان کے بدلے فی خاندان صرف 25ہزار روپے امداد دی جا رہی ہے، یہ حکومت کہتی ہے کہ ہمیں عوامی مینڈیٹ ملا ہے مگر پارلیمنٹ میں عوام کے مسائل پر بات تک نہیں ہوتی، اس ملک میں عوام پر افغانستان اور بنگلہ دیش سے بھی کم خرچہ کیا جاتا ہے۔
(جاری ہے)
متعلقہ عنوان :
مزید اہم خبریں
-
سیاسی مذاکرات کا دروازہ بند کرکے سِول ملٹری اسٹیبلشمنٹ کو طاقتور بنایا جارہا ہے
-
امریکہ کے بعد فرانسیسی یونیورسٹی میں بھی فلسطینیوں کی حمایت میں احتجاج
-
غزہ میں امداد پہنچانے کے لیے برطانوی فوج خدمات فراہم کر سکتی ہے، رپورٹ
-
سعودی عرب میں اکنامک سمٹ، اسرائیل حماس جنگ روکنے کی ایک اور کوشش؟
-
مرغی کے گوشت کی قیمت میں 200 روپے تک کمی کا امکان
-
پاکستان نیوزی لینڈ کرکٹ سیریز، پولیس کا گیمبلنگ میں ملوث عناصر کیخلاف کریک ڈاؤن
-
پی ٹی آئی اور سنی اتحاد کونسل فوج کو سیاست میں مداخلت کی دعوت دے رہے ہیں
-
عاصمہ جہانگیر کانفرنس میں جرمن سفیر کی تقریر کے دوران طالب علموں کے فلسطین کی آزادی کے حق میں نعرے
-
عمران خان کو کھلی عدالتوں میں ٹرائل کا موقع دینے کی بجائے جیل ٹرائل میں سختی کردی گئی
-
چیف جسٹس اگر انصاف فراہم نہیں کرسکتے تو کرسی سے اتر جائیں، پی ٹی آئی کا مطالبہ
-
مسجد کے باہرسے چوری ، وزیراعلیٰ مریم نوازکے حکم پر بزرگ شہری کو نئی سائیکل دلوا دی گئی
-
چینی شہریوں کی حفاظت ہماری قومی ذمہ داری ہے‘ وزیر داخلہ کی چینی قونصل جنرل سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.