پنجاب اسمبلی کی قائمہ کمیٹی نے صوبے میں میٹرک تک لازم اور مفت تعلیم کے بل کی تجاویز منظور کر لیں

ہفتہ 18 اکتوبر 2014 20:00

لاہور(اُردو پوائنٹ اخبار تازہ ترین۔18اکتوبر۔2014ء) پنجاب اسمبلی کی قائمہ کمیٹی نے صوبے میں میٹرک تک لازم اور مفت تعلیم کے بل کی تجاویز منظور کر لیں. بل بیس اکتوبر سے شروع ہونے والے اسمبلی اجلاس میں پیش کیا جائے گاپنجاب اسمبلی کی قائمہ کمیٹی برائے تعلیم نے پنجاب میں لازم اورمفت تعلیم کے۔ بل کی منظوری دیتے ہوئے سفارشات پنجاب اسمبلی کو ارسال کر دی ہیں۔

بل کے تحت سولہ سال کی عمرتک میٹرک تعلیم لازم اور حکومت کی ذمہ داری ہو گی۔

(جاری ہے)

تعلیم نہ دلوانے والے والدین کو پنلٹی کا سامنا کرنا ہو گا ایسے والدین بے نظیربھٹو انکم اسپورٹ پروگرام ، فوڈ اسٹیمپ سمیت دیگر سبسڈی والی اسکیموں کیلئے نااہل ہوں گے بل کے تحت والدین کو پابند بنایا جا رہا ہے کہ وہ اپنے گھر کے قریب دوکلومیٹر کے ایریا میں بچوں کو اسکول داخل کرانے کے پابند ہوں گے سرکاری اسکولوں میں ب فارم کی لازمی شرط کو ختم کر دیا گیا ہے تمام پرائیویٹ اسکول مستحق بچوں کیلئے دس فیصد مفت تعلیم کا کوٹہ مقرر کرنے کے پابند ہوں گے۔ بل منظوری کیلئے بیس اکتوبر سے شروع ہونے والے پنجاب اسمبلی اجلاس میں پیش کر دیا جائے گا۔