پنجاب اسمبلی کی قائمہ کمیٹی نے صوبے میں میٹرک تک لازم اور مفت تعلیم کے بل کی تجاویز منظور کر لیں

ہفتہ 18 اکتوبر 2014 22:22

لاہور( اُردو پوائنٹ اخبار تازہ ترین۔18اکتوبر۔2014ء ) پنجاب اسمبلی کی قائمہ کمیٹی نے صوبے میں میٹرک تک لازم اور مفت تعلیم کے بل کی تجاویز منظور کر لیں جسے کل ( پیر ) سے شروع ہونے والے اجلاس میں پیش کیا جائے گا۔پنجاب اسمبلی کی قائمہ کمیٹی برائے تعلیم نے پنجاب میں لازم اورمفت تعلیم کے بل کی منظوری دیتے ہوئے سفارشات پنجاب اسمبلی کو ارسال کر دی ہیں۔

بل کے تحت 16سال کی عمرتک میٹرک تعلیم لازم اور حکومت کی ذمہ داری ہو گی۔

(جاری ہے)

تعلیم نہ دلوانے والے والدین کو پنلٹی کا سامنا کرنا ہو گا۔ ایسے والدین بے نظیربھٹو انکم اسپورٹ پروگرام ، فوڈ اسٹیمپ سمیت دیگر سبسڈی والی اسکیموں کیلئے نااہل ہوں گے۔ بل کے تحت والدین کو پابند بنایا جا رہا ہے کہ وہ اپنے گھر کے قریب دوکلومیٹر کے ایریا میں بچوں کو سکول داخل کرانے کے پابند ہوں گے۔ سرکاری سکولوں میں ب فارم کی لازمی شرط کو ختم کر دیا گیا ہے تمام پرائیویٹ سکول مستحق بچوں کیلئے دس فیصد مفت تعلیم کا کوٹہ مقرر کرنے کے پابند ہوں گے۔ بل منظوری کیلئے 20اکتوبر سے شروع ہونے والے پنجاب اسمبلی اجلاس میں پیش کر دیا جائے گا۔