گذشتہ ہفتہ کاٹن مارکیٹ میں مجموعی طور پر مندی کا رجحان، کپاس کے کاشتکاروں کو شدید مالی بحران کا سامنا

ہفتہ 25 اکتوبر 2014 19:12

کراچی (اُردو پوائنٹ اخبار تازہ ترین۔25اکتوبر 2014ء)گذشتہ ہفتہ کاٹن مارکیٹ میں مجموعی طور پر مندی کا رجحان رہا جس کی وجہ سے کپاس کے کاشتکاروں کو شدید مالی بحران کا سامنا کرنا پڑا۔ مارکیٹ رپورٹ کے مطابق مقامی کاٹن مارکیٹ میں گزشتہ ہفتہ کے دوران ٹیکسٹائل واسپنگ ملز اور کپاس کے نجی برآمد کنندگان کی جانب سے روئی کی خریداری کے نسبت کپاس کے کاشتکاروں کی جانب سے پھٹی کی رسد میں اضافہ کے باعث روئی کے بھاؤ میں مجموعی طور پر مندی کا عنصر واضح رہا۔

کراچی کاٹن ایسوسی ایشن کی اسپاٹ ریٹ کمیٹی نے اسپاٹ ریٹ میں فی من 100روپے کمی کرکے اسپاٹ ریٹ فی من 5100کے بھاؤ پر بند کیا۔ صوبہ سندھ میں روئی کا بھاؤ فی من 4700تا 5250پھٹی کا بھاؤ فی 40کلو 2000تا 2500روپے صوبہ پنجاب میں روئی کا بھاؤ فی من 5175 تا 5300روپے جبکہ پھٹی کا بھاؤ 2400تا 2600روپے رہا۔

(جاری ہے)

کراچی کاٹن بروکرز فورم کے چیئرمین نسیم عثمان نے بتایا کہ بین الاقوامی کاٹن مارکیٹوں میں مسلسل مندی کا رجحان ہے جس کے زیراثر مقامی مارکیٹ میں بھی روئی کے بھاؤ میں مندی رہی جس کے باعث خصوصی طور پر کپاس کے کاشتکاروں کو پھٹی بہت کم دام مل رہے ہیں اوروہ شدید مالی بحران سے دوچارہیں جبکہ کئی کاشتکار دل برداشتہ ہوگئے ہیں انہوں نے فصل کی کٹائی شروع کردی ہے اور آئندہ سال کپاس کاشت کرنے سے اجتناب کرنے کا ارادہ ظاہر کر رہے ہیں۔

بروکرز کے مطابق مقامی کاٹن یارن کی مارکیٹوں میں بھی مندی کا رجحان ہے اور مالی بحران آئندہ دنوں میں مزیدبڑھتا دکھائی دے رہا ہے ۔#

Facebook Twitter Google + Share on Whatsapp

گذشتہ ہفتہ کاٹن مارکیٹ میں مجموعی طور پر مندی کا رجحان، کپاس کے کاشتکاروں کو شدید مالی بحران کا سامنا

مزید تجارتی خبریں