عیسائی جوڑے کو زندہ جلانا غیرانسانی اور غیر شرعی فعل ہے ،سکندر شاہ
ہفتہ 8 نومبر 2014 16:18
ٹنڈوالہیار (اُردو پوائنٹ تاز ترین اخبار۔ 8نومبر 2014ء) اسلام میں اقلیتوں کے حقوق کے تحفظ کا درس دیاگیا ہے کوٹ رادھا کشن میں عیسائی جوڑے کو زندہ جلانا غیرانسانی اور غیر شرعی فعل ہے ایسے گھناؤنے جرائم کو اسلام کے ساتھ نہ جوڑا جائے ان خیالات کا اظہار متحدہ دینی محاذ سندھ کے سیکریٹری اطلاعات محمد سکندر شاہ نے مرکز اہلسنت میں کارکنان کی فکری نشست سے خطاب کے دوران کیا انہوں نے مزید کہا کہ اہلسنت والجماعت اور علماء اہلسنت نے ہمیشہ برداشت کے روئیے کو فروغ دیا ہے عدم تشدد ہماری پالیسی ہے قاتلوں کی گرفتاری اور سزا میں اسلام نہیں پاکستان کا فرسودہ نظام رکاوٹ ہے پاکستان میں قانون کی حکمرانی خواب بن گئی ہے کوٹ رادھا کشن کا واقعہ سرمایہ دار نظام کا شاخستانہ ہے سرمایہ دار اور جاگیردارعوام کو اپنا مزراع سمجھتے ہیں اہلسنت والجماعت مزدور اور کسان کا بھی حق لے گی عوام متحد اور بیدار ہوجائیں حضور اکرم ﷺ صرف مسلمانوں کے لئے نہیں سارے جہانوں کے لئے رحمت بن کر تشریف لائے حضور اکرم ﷺ کی تعلیمات کو عام کر کے نفرتوں کو ختم کیا جاسکتاہے کوٹ رادھا کشن واقعہ کی جوڈیشل انکوائری کرائی جائے ملزمان کسی صورت بچنے نہیں چاہئیں اور بے گناہ افراد کو پھنسنا نہیں چاہیئے ہر صورت انصاف ہونا چاہیئے انہوں نے مزید کہا کہ پاکستان میں صرف غیر مسلم نہیں مسلمان بھی انصاف سے محروم ہیں ملک میں معاشی سیاسی عدم استحکام ہے دہشت گردی کا ناسور ملک کی جڑوں میں بیٹھ گیا ہے 30نومبر کا جلسہ جتنا مرضی بڑا ہوجائے حکومت جانے والی نہیں ہے ملک کو مزید عدم استحکام میں لے جانے کے بجائے مردم شماری جیسے بنیادی کام فوری کئے جائیں گزشتہ سال قوم سے کروڑوں روپے بلدیاتی انتخابات کی فیس کے نام پر بٹورے گئے تھے اب بلدیاتی انتخابات کے لئے نئی حلقہ بندیاں ہوں گی اس لئے قوم کے کروڑوں روپے واپس کئے جائیں اس موقع پر کلیم اللہ قائم خانی ، مولانا عبدالرحمٰن چاند ، مولانا کاشف حنفی ، محمد شاہد کشمیری ، تاج محمد بروہی ، ظہیر یونس قائم خانی ، عبداللہ راجپوت ، حاجی رحمت اللہ نائیوں اور دیگر اہلسنت رہنما بھی موجود تھے۔
مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.