وزیر اعلی پنجاب کی ہدایت پر گنے کے کاشتکاروں کی سہولت کے لئے شوگر کین پرچیز مانیٹرنگ کمیٹیوں اور شکایات سیل کا قیام،
کاشتکاروں کی شکایات کے فوری ازالے کے لئے ڈسٹرکٹ وتحصیل ہیڈ کوارٹرز اور شوگر مل گیٹ پر شکایات سیل قا ئم کر دیئے گئے ہیں، کاشتکار شکایت کی صورت میں متعلقہ ڈسٹرکٹ کو آرڈینیشن آفیسر یا اسسٹنٹ کمشنر سے بھی رابطہ کر سکتے ہیں،کین کمشنر پنجاب
جمعرات 20 نومبر 2014 23:31
لاہور(اُردو پوائنٹ اخبار تازہ ترین۔20نومبر 2014ء) وزیر اعلی پنجاب محمد شہبازشریف کی خصوصی ہدایت پر گنے کے کاشتکاروں کی سہولت کے لئے پنجاب میں شوگر کین پرچیز مانیٹرنگ اینڈ ایگزامننگ کمیٹیوں اور شکایات سیل کا قیام عمل میں لایا گیا ہے -گنے کی خریداری کے دوران وزن اور تول کے پیمانے ،کنڈے درست رکھنے اور گنا خریدتے وقت وزن میں کٹوتی کی شکایات کو دور کرنے کے لئے ڈسٹرکٹ شوگر کین پر چیز مانیٹرنگ اینڈ ایگزامننگ کمیٹیاں متعلقہ ڈسٹرکٹ کو آرڈینیشن آفیسر اور اسسٹنٹ کمشنر کی زیر نگرانی مسلسل کام کر رہی ہیں ،کین کمشنر پنجاب نے اس حوالے سے بتایا کہ گنے کے کاشتکاروں کی شکایات کے فوری ازالے کے لئے ہر ڈسٹرکٹ ہیڈ کوارٹر،تحصیل ہیڈ کوارٹرز اور شوگر مل گیٹ پر شکایات سیل قا ئم کر دیئے گئے ہیں جہاں شکایات دفتری اوقات میں درج کروائی جا سکتی ہیں -مزید براں کسی بھی شکایت کی صورت میں کاشتکار قانونی کارروائی کے لئے متعلقہ ڈسٹرکٹ کو آرڈینیشن آفیسر یا متعلقہ اسسٹنٹ کمشنر سے بھی فوری رابطہ کر سکتے ہیں ،کین کمشنر پنجاب نے بتایا کہ صوبہ بھر میں کرشنگ سیزن 2014-15کا آغاز ہو چکا ہے -شوگر ملوں اور پرچیز سینٹروں پر سرکاری مقرر کردہ قیمت 180روپے فی40 کلوگرام کے حساب سے خرید کا عمل جاری ہے -گنے کے وہ کاشتکار جنہوں نے سابقہ کرشنگ سیزن 2013-14میں پنجاب کی شوگر مل کو گنا سپلائی کیا ہواور ان کے پاس باقاعدہ کین پرچیز ریسیٹ(CPR)موجود ہیں اور مل انتظامیہ نے ابھی تک خرید کردہ گنے کی قیمت انہیں ادا نہیں کی تو ایسے کاشتکار اپنے پچھلے سالوں کے واجبات کی ادائیگی کے لئے تحریری درخواست ہمراہ فوٹو کاپی (CPR)اور شناختی کارڈ متعلقہ ڈسٹرکٹ کو آرڈینیشن آفیسر یا اسسٹنٹ کمشنر کے دفتر میں جمع کراوئیں تا کہ ان کے سابقہ واجبات کی ادائیگیوں کو یقینی بنایا جاسکے-کین کمشنرنے مزید کہا کہ محکمہ خوراک پنجاب کے دفتر میں قائم صوبائی شکایات سیل کے رابطہ نمبر042-99212805پر بھی شکایات صبح8بجے سے شام4بجے تک درج کروائی جا سکتی ہیں ۔
متعلقہ عنوان :
مزید تجارتی خبریں
-
پاکستان میں موبائل فون کی درآمد میں بڑا اضافہ ہوگیا
-
سونے کی قیمتوں میں کمی کا رجحان
-
پاکستان اسٹاک مارکیٹ ملکی تاریخ میں پہلی بار73ہزار پوائنٹس کی حد عبور کرنے کے بعد مندی کا شکار ہو گئی اور انڈیکس 72ہزار پوائنٹس کی سطح سے نیچے گر گیا جبکہ 100انڈیکس میں 1ہزار پوائنٹس سے زاید کی کمی دیکھنے ..
-
انٹر بینک میں روپے کے مقابلے ڈالر کی قدر گھٹ گئی جبکہ اوپن مارکیٹ میں ڈالر مہنگا
-
زری پالیسی کمیٹی کا پالیسی ریٹ 22 فیصد پربرقراررکھنے کا فیصلہ
-
غیر ملکی سرمایہ کاروں کو سرمایہ کاری کیلئے سازگار ماحول میسر ہے، صوبائی وزیر چوہدری شافع حسین کی آسٹریا کی سفیر سے گفتگو
-
عالمی اور مقامی مارکیٹ میں سونے کی قیمت میں معمولی کمی
-
ملک میں سیمنٹ کی ریٹیل قیمتوں میں ایک ہفتے کے دوران استحکام رہا
-
برائلر گوشت کی قیمت میں15روپے کلو اضافہ
-
ملکی صرافہ مارکیٹوں میں ایک ہفتے کے دوران سونا4300روپے سستا ہو گیا
-
انٹر بینک میں ایک ہفتے کے دوران روپے کے مقابلے ڈالر کی قدر بڑھ گئی جبکہ اوپن مارکیٹ میں یورو اور برطانوی پونڈ بھی مہنگا ہو گیا
-
ایس ای سی پی نے سٹڈی ناؤ پے لیٹر ڈیجیٹل پلیٹ فارم کا لائسنس دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.