غیر نصابی اور ہم نصابی سرگرمیاں طلبا کی صلاحیتوں کے اظہار کا موثر ذریعہ ہوتی ہیں،پروفیسر ڈاکٹرظفر اقبال
ہفتہ 29 نومبر 2014 17:41
کراچی(اُردو پوائنٹ تاز ترین اخبار۔ 29نومبر 2014ء)غیر نصابی اور ہم نصابی سرگرمیاں طلبا کی صلاحیتوں کے اظہار کا موثر ذریعہ ہوتی ہیں۔ان میں حصہ لینے والے طلبا عملی زندگی میں بھی کامیاب رہتے ہیں۔ان خیالات کا اظہار وفاقی اردو یونیورسٹی کے وائس چانسلر پروفیسر ڈاکٹر ظفر اقبال نے عبدالحق کیمپس میں تدریسی وغیر تدریسی ملازمین اور طلبا کو حسن کارکردگی ایوارڈز کی تقریب سے خطاب کرتے ہوئے کیا۔
یہ ایوارڈز انہیں مختلف شعبوں میں بہترین کارکردگی اور ہفتہ طلبا کے کامیاب انعقاد پر دیئے گئے۔انہوں نے کہا کہ سوشل سائنسز کے مضامین کی دنیا بھر میں بہت اہمیت ہے۔ اساتذہ و طلبا اگران مضامین میں اعلی تعلیم وتحقیق حاصل کریں تو انہیں نہ صرف ملازمتوں کی فراہمی میں آسانی ہوگی بلکہ معاشرے کی ترقی واصلاح میں بھی اس سے مدد حاصل ہوگی۔(جاری ہے)
پروفیسر ڈاکٹرظفر اقبال نے کہا کہ ہائر ایجوکیشن کمیشن جامعہ اردو کو 15ہزار سے زائد طلبا کے لئے سالانہ 70کروڑ روپے بجٹ فراہم کرتی ہے جو کہ اخراجات کے لئے نہایت ناکافی ہے کیونکہ اسکے اخراجات1ارب 20کروڑ روپے سالانہ ہیں۔
انہوں نے کہا کہ جامعہ میں زیادہ سے زیادہ داخلوں کے لئے دو سال سے نئے شعبے متعارف کرائے جارہے ہیں جن میں اسپورٹس سائنس،تعلیم اساتذہ اور ہومیوپیتھک بھی شامل ہیں۔ انہوں نے کہا کہ عبدالحق کیمپس میں20منزلہ عمارت تعمیر کی جائے گی جسکا پی سی ون تیار کیا جارہا ہے اسکے علاوہ عبدالحق کیمپس کے تمام مسائل جلدازجلد حل کئے جائیں گے۔جامعہ کی انتظامیہ اسکی ترقی کے لئے ہمہ وقت کوشاں ہے۔پروگرام سے رئیس کلیہ فنون پروفیسر ڈاکٹر ناہید ابرار، رجسٹرار پروفیسر ڈاکٹر فہیم الدین، رئیس کلیہ مطالعہ مذاہب پروفیسر ڈاکٹر عبدالرشید، صدر شعبہ تعلیم ڈاکٹر اشرف خرم،صدر شعبہ بین الاقوامی تعلقات ڈاکٹر وسیم الدین نے بھی خطاب کیا جبکہ پروٹوکول ڈائریکٹر بشیر بگھیو،ڈاکٹر شاہد اقبال، جاوید ناز و،دیگر اساتذہ و طلبا نے شرکت کی۔پروفیسر ڈاکٹر فہیم الدین نے کہا کہ اسطرح کے پروگراموں کے انتطامات کے لئے انتظامیہ مکمل تعاون اور حوصلہ افزائی کرتی ہے اور اس مقصد کے لئے فنڈز بھی مختص کئے گئے ہیں۔پروفیسر ڈاکٹر ناہید ابرار نے کہا کہ ہم نصابی و غیر نصابی مقابلوں میں حصہ لینے سے طلبا کے شعور میں اضافہ ہوتا ہے جو ان کی قوت فیصلہ اورانتظامی صلاحیتں بہتر بنانے کا باعث بنتا ہے۔جامعہ اردو کے باصلاحیت طلبا کو صوبائی اورملکی سطح پر مقابلوں میں شرکت کا موقع دیا جائے گا۔ڈاکٹر اشرف خرم نے کہا کہ جامعہ اردو کے طلباصلاحیتوں میں کسی بھی جامعہ سے کم نہیں۔ یہاں سے فارغ التحصیل طلبا نہ صرف ملک بلکہ بیرون ملک بھی مختلف اداروں میں فرائض سرانجا م دے رہے ہیں۔پروگرام کے اختتام پر انتطامی امور میں بہتر کارکردگی کا مظاہرہ کرنے والے باصلاحیت اساتذہ و طلبا کو حسن کارکردگی ایوارڈز دیئے گئے۔مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.