کراچی یونائیٹڈ کے وائی آئی بیوتھ لیگ‘لیاری اور آگرہ تاج انڈر14فائنل میں سیمی فائنل میں بلدیہ ٹاؤن اور ملیر انڈر14 کی ٹموں کو شکست‘ رشید اور نجیب نے فیصلہ کن گول کئے

کراچی( اُردو پوائنٹ اخبار تازہ ترین۔17دسمبر 2014ء) کراچی یونائیٹڈ کے وائی آئی یوتھ لیگ کے سیمی فائنل میں لیاری اور آگرہ تاج یوتھ انڈر14 ٹیموں نے سیمی فائنل میں اپنی اپنی حریف ٹیموں کو شکست دے کر فئنل کھیلنے کا اعزاز حاصل کر لیا کراچی یونائیٹڈ فٹبال فاؤنڈیشن کے زیر اہتمام جاری اس یوتھ لیگ کے سیمی فائنل میں لیاری یوتھ اکیڈمی انڈر14 نے ایک سخت مقابلے کے بعد بلدیہ ٹاؤن یوت انڈر14 کو ایک گول سے شکست دے کر فائنل میں جگہ بنالی پیپلز اسٹیڈیم لیاری میں وقفے تک دونوں ٹیمیں بغیر کسی گول کے برابر تھیں وقفہ کے بعد لیاری یوتھ اکیڈمی کے رشید نے43 ویں منٹ میں گیند کو جال کے حوالے کرکے اپنی ٹیم کی جیت کی بنیاد رکھی دوسرے سیمی فائنل میں آگرہ تاج یوتھ اکیڈمی اور ملیر یوتھ اکیڈمی کے درمیان سنسنی خیز مقابلہ ہوا ملیر یوتھ انڈر14 کی ٹیم نے متعدد یقینی مواقع ضائع کئے وقفہ تک مقابلہ بغیر کسی گول کے برابر تھا وقفہ کے بعد دونوں ٹیموں نے برتری حاصل کرنے کے لئے ایک دوسرے کے گول پوسٹ پر کئی عمدہ حملے کئے لیکن دونوں ٹیموں کے فارورڈز کمزور نشانہ بازی کے سبب گول اسکور کرنے میں ناکام رہے وقفہ میں دونوں ٹیموں کا تعارف مہمان خصوصی سندھ فٹبال ایسو سی ایشن کے سیکریٹری حسن بلوچ سے کرایا گیا ان کے ہمراہ سوئی سدرن گیس فٹبال ٹیم کے کوچ محمد نسیم بھی تھے وقفہ کے بعد دونوں ٹیموں نے برتری حاصل کرنے کے لئے سخت جدوجہد کی لیکن کامیابی اس وقت آگرہ تاج اکیڈمی کا مقدر بنی جب ان کے اسٹرائکر نجیب نے36 ویں منٹ میں گیند کو جالکے حوالے کیا کھیل کے مقررہ وقت تک مزید کوئی ٹیم گول اسکور نہ کر سکی۔

(جاری ہے)

سیمی فائنل کو شوکت نے سلیم فیض‘داد رحمن‘عبدالکریم کی معاونت سے سپروائز کیا میچ کمشنر کے فرائض محمد شہزاد نے انجام دیئے۔